बैंक तथा वित्तीय संस्थामा निक्षेप लगानी गर्दै राष्ट्र बैंक
काठमाडौं । नेपाल राष्ट्र बैंकले उपदान तथा पेन्सन कोषमा रहेको रकम बैंक तथा वित्तीय संस्थाको मुद्दती निक्षेपमा राख्ने भएको छ । राष्ट्र बैंकले बिहीबार एक सूचना जारी गरेर तीन अर्ब ८४ करोड रुपैयाँ निक्षेप राख्न लागेको जनाएको हो ।
राष्ट्र बैंकले ‘क’ वर्गका वाणिज्य बैंकहरूमा तीन अर्ब सात करोड २० लाख रुपैयाँ, ‘ख’ वर्गका राष्ट्रियस्तरका विकास बैंकमा ५७ करोड ६० लाख रुपैयाँ र ‘ग’ वर्गका राष्ट्रियस्ततरका वित्त कम्पनीहरूमा १९ करोड २० लाख रुपैयाँ निक्षेप राख्न लागेको हो । निक्षेप लिन चाहने योग्य बैंक तथा वित्तीय संस्थाले आफैँले मुद्दती निक्षेपमा लिन चाहेको रकम तथा ब्याजदर खुलाई बैंकले तोकेको फारम भरी चैत २३ देखि २६ गते बेलुका सात बजेभित्र राष्ट्र बैंकमा प्रस्ताव पठाउनुपर्नेछ । राष्ट्र बैंकले यो रकम २०८० वैशाख ५ गतेदेखि २०८१ वैशाख १० गतेसम्म तीन सय ७१ दिनका लागि बैंक तथा वित्तीय संस्थामा मुद्दती निक्षेप राख्ने जनाएको छ ।
उक्त निक्षेप लिन राष्ट्र बैंकले विभिन्न सर्तहरू राखेको छ । जसमा बैंक तथा वित्तीय संस्था सञ्चालनमा आएको कम्तीमा दुई वर्ष पूरा भएको, तोकिएको न्यूनतम पुँजीकोष अनुपात कायम गरेको, निष्क्रिय कर्जा कुल कर्जा सापटीको पाँच प्रतिशतभन्दा कम रहेको, खुद तरल सम्पत्ति स्वदेशी निक्षेपको कम्तीमा २० प्रतिशत वा सोभन्दा बढी रहेको हुनुपर्ने रहेको छ । यस्तै कर्जा–निक्षेप अनुपात बैंकले निर्धारण गरेको सीमाभित्र रहेको, अघिल्लो आर्थिक वर्षमा सञ्चालन मुनाफामा रहेको, रियल स्टेट कर्जा बैंकबाट तोकिएको सीमाभन्दा बढी नभएको लगायतका सर्तहरू पूरा गरेका बैंक तथा वित्तीय संस्था राष्ट्र बैंकको मुद्दती निक्षेप लिन योग्य हुनेछन् ।
यस्तै सो निक्षेप लिनका लागि सञ्चालक वा प्रमुख कार्यकारी अधिकृतलाई बैंकले जरिबाना गरेको अवस्थामा उनीहरू सो बैंकमा कायम नरहेको र रहेको अवस्थामा छ महिना समय अवधि पूरा भएको, शीघ्र सुधारात्मक कारबाहीमा परेको भए फुकुवा भएको कम्तीमा छ महिना पूरा भएको, समस्याग्रस्त घोषणा भएमा सो फुकुवा भएको छ महिना अवधि पूरा भएको, सर्वसाधारणको लागि छुट्याइएको सेयर जारी गरिसकेको समेत हुनुपर्नेछ ।
क्याटेगोरी : बैंक बित्त बजार
ट्याग : #Page 10
ताजा अपडेट
- लसुन खेतीबाट राम्रो आम्दानी
- सरकार नागरिकको स्वास्थ्यप्रति संवेदनशील छ : प्रधानमन्त्री
- ‘अर्थतन्त्रमा देखिएको शिथिलताले निजी क्षेत्रको सम्पति ५० प्रतिशतसम्म ऋणात्मक’
- गोरखापत्रलाई प्रतिस्पर्धी र विश्वसनीय बनाइनुपर्छ: मन्त्री शर्मा
- उत्पीडित वर्ग, जाति र समुदायलाई आफ्नो अधिकारको रक्षा गर्न प्रधानमन्त्रीको अपिल
- डेडिकेटेड र ट्रंक लाइन विवादमा उद्योगीलाई राहत
- एक अर्ब रूपैयाँको वैदेशिक रोजगार बचतपत्र बिक्रीमा
- एक सयको नोटमा चुच्चे नक्सा राख्ने निर्णयले ल्याएको तरङ्ग
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया