अमेरिकी राज्य मोन्टानामा टिकटक प्रतिबन्ध
अमेरिका । चिनियाँ स्वामित्वको सामाजिक सञ्जाल टिकटकलाई अमेरिकी राज्य मोन्टानाले पूर्णरूपमा प्रतिबन्ध लगाउने घोषणा गरेको छ । सुरक्षा चिन्ता र चासोलाई मध्यनजर गरेर टिकटकमाथि पूर्ण प्रतिबन्ध लगाएकोे घोषणा त्यहाँको राज्य सरकारले गरेको छ ।
मोन्टानाका गभर्नर ग्रेग जियानफोर्टले बुधबार त्यससम्बन्धी कानुनमा हस्ताक्षर गरेका हुन् । यो कानुन २०२४ जनवरी १ देखि लागू हुनेछ । कानुनमा हस्ताक्षर गरेपछि जियानफोर्टले मोन्टाना राज्यका बासिन्दाका निजी विवरण चिनियाँ गुप्तचरबाट जोगाउन टिकटकमाथि प्रतिबन्ध लगाइएको स्पष्ट पारेका छन् ।
कानुन कार्यान्वयनमा आएपछि मोन्टानाले गुगल र एप्पलको एप स्टोरहरूलाई राज्यभित्र टिकटक प्रस्ताव गर्न गैरकानुनी बनाउनेछ । तर कसैले एप प्रयोग ग-यो भने कुनै जरिवाना पनि लगाउने छैन ।
चिनियाँ टेक कम्पनी बाइटडान्सको स्वामित्वमा रहेको टिकटकले कानुनी उपचार खोज्ने योजना बउनसक्ने आकल पनि त्यहाँको राज्य सरकारले गरेको छ । टिकटकले अदालतमा चुनौती दिने अपेक्षा गरिएको छ ।
टिकटकले आफ्नो विज्ञप्तिमा भनेको छ कि मोन्टानामा सयौँ हजार मानिसहरूले टिकटकको प्रयोग गर्दै आएका छन् । विज्ञप्तिमा भनिएको छ, ‘हामीले मोन्टानाका नागरिकहरूलाई यो भन्न चाहन्छौँं कि आफूलाई अभिव्यक्ति गर्न, जीविकोपार्जनका लागि आम्दानी गर्न र आफ्नो समुदाय खोज्न टिकटकको प्रयोगलाई जारी राख्नुहोस् । किनकि मोन्टानाभित्र र बाहिर हाम्रा प्रयोगकर्ताको अधिकारको रक्षा गर्न हामी प्रयास गरिरहनेछौँ ।’
टिकटकले अमेरिकामा एक सय ५० मिलियन प्रयोगकर्ता रहेको बताएको छ । यद्यपि एपको प्रयोगकर्ता पछिल्लो समय विस्तारित हुँदै गएका छन् । अमेरिकामा किशोर र २० वर्ष उमेर समूहमा टिकटक निकै लोकप्रिय छ । २०२२ को डिसेम्बरमा मोन्टाना सरकारले राज्यका उपकरणमा उक्त एपको प्रयोग वर्जित गरेको थियो ।
क्याटेगोरी : विश्व बजार
ट्याग : #Page 5
ताजा अपडेट
- किन्ताङफेदीमा चार दशकपछि पुल निर्माण
- लगानी सम्मेलन: पिपिपी सहकार्यका लागि दुई संस्थाबीच समझदारी
- महालक्ष्मी विकास बैंकद्वारा महोत्तरी आगलागी पीडितलाई राहत सामग्री वितरण
- नेसनल लाइफको घान्द्रुक भ्रमण कार्यक्रम
- एनसेलको आकर्षक बोर्डर रोमिङ प्याक
- भारतीय खाद्यवस्तुहरूमा क्यान्सर निम्त्याउने रसायन
- धारणा, विचार, सिद्धान्त र ज्ञानको स्रोत के हो ?
- नेपालमा बीमा कम्पनीहरूको वास्तविकता
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया