काठमाडौं । केही समयअघि प्रतिबोरा एक सय रुपैयाँ बढाइएको सिमेन्टको मूल्यलाई घटाइएको छ । सिमेन्ट उत्पादक कम्पनीहरूले बढाएको मूल्य घटाएर साविककै मूल्य कायम गरेको नेपाल निर्माण व्यवसायी महासंघले जनाएको छ ।
महासंघले सिमेन्ट उत्पादक कम्पनीहरूले एकतर्फीरूपमा मूल्य बढाएको भन्दै घटाउन माग गर्दै आएको थियो । महासंघको मागबमोजिम नै सिमेन्टको पुरानै मूल्य कायम भएको महासंघका महासचिव रोशन दाहालले मंगलबार एक विज्ञप्ति जारी गरी जानकारी दिएका छन् । राज्यबाट व्यवसायीले निर्माण कार्य गरेको भुक्तानी नपाएको कारण समग्र निर्माण उद्योग नै समस्याग्रस्त रहेको विषम परिस्थितिलाई मध्यनजर गरी महासंघको आग्रहमा नेपाल सिमेन्ट उत्पादक संघलगायत सिमेन्ट उद्योगीहरूले मूल्यवृद्धि घटाइ पुरानै अवस्थामा कायम गरिएको महासंघको भनाइ छ ।
महासंघको आग्रहबमोजिम मूल्य घटाइदिएको भन्दै महासंघले विज्ञप्तिमार्फत नेपाल सिमेन्ट उत्पादक संघलगायत सिमेण्ट उद्योगीहरूलाई धन्यवाद समेत दिएको छ । त्यस्तै, महासंघले मुल्यवृद्धि घटाउन आवश्यक पहल तथा समन्वय गरिदिने नेपाल सरकारका सबै सम्बन्धित निकायहरूप्रति कृतज्ञता व्यक्त गरेको छ । साथै महासंघको समस्या समाधानका लागि सदाझै महत्वपूर्ण भूमिका निर्वाह गरिदिने समस्त सञ्चार माध्यमहरूप्रति पनि महासंघले विज्ञप्तिमार्फत् विशेष आभार व्यक्त गरेको छ ।
क्याटेगोरी : कर्पोरेट-वाणिज्य-उद्योग
ट्याग : #Page 8
ताजा अपडेट
- विकासका उपलब्धि जोगाउन सार्थक सहयोगका लागि उपप्रमको जोड
- उपनिर्वाचनः इलाम–२ मा १६ जना उम्मेदवारको जमानत जफत
- लुम्बिनी, मधेस, सुदूरपश्चिम र कोशी प्रदेशमा हुरीबतासको चेतावनी
- ‘नेपालको स्वास्थ्य सेवा प्रणालीमा सुधार भएको छ’
- इलाम – २ मा नेकपा (एमाले)का नेम्वाङ विजयी
- पर्यटन क्षेत्रका नीतिगत व्यवस्थालाई सुधार गरी लगानीमैत्री बनाउछौं: मन्त्री तामाङ
- महोत्तरीमा दिनहुँजसो आगलागी
- शुन्य दशमलव शुन्य सात अंकले उक्लियो सेयर बजार
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया