एनआईसी एसिया बैंकले ऋणीहरूलाई ब्याज तथा नवीकरण शुल्कमा छुट दिने

काठमाडौँ, असार ७
एनआईसी एसिया बैकले ऋणीहरूलाई ब्याज र नवीकरण शुल्कमा छुुट दिने भएको छ । बैंकले ग्राहकहरूलाई असार महिनाका लागि ब्याज तथा नवीकरण शुल्कमा छुट योजना ल्याएको हो । योजनाअनुसार राष्ट्र बैंकले निर्दिष्ट गरेको दुुई प्रतिशत ब्याज छुटको अतिरिक्त बैंकबाट कर्जा सुविधा लिएका सम्पूर्ण ऋणीहरूले २०७७ असार मसान्तसम्मको सम्पूर्ण साँवा तथा ब्याजको बक्यौता रकम २०७७ असार मसान्तसम्ममा चुक्ता भुक्तान गरेमा उक्त कर्जाको विद्यमान ब्याजदरलाई कम गरी नौ दशमलव ९९ प्रतिशत कायम गरेको छ ।

बैंकले साँवा तथा ब्याज चुक्ता भुक्तान गर्न ढिलाइ गर्दा लाग्ने पेनाल चार्जर ब्याज र जरिवाना रकममा समेत शत प्रतिशत मिनाहाको व्यवस्था बैंकले गरेको छ । हाल नौ दशमलव ९९ प्रतिशतभन्दा कम ब्याजदरमा कर्जा उपभोग गरिरहेका ग्राहकहरूको हकमा भने विद्यमान व्यवस्था अनुसार नै ब्याजदर कायम रहनेछ । त्यसैगरी, कर्जा नवीकरणको हकमा २०७७ असार मसान्तसम्ममा नवीकरण गरिसक्नुपर्ने कर्जाहरूको २०७७ असार महिनाभित्रै नवीकरण गरेमा नवीकरण शुल्कमा शून्य दशमलव २५ प्रतिशत छुट प्रदान गर्ने बैंकले जानकारी दिएको छ ।

बैंकका अनुसार यो सुविधा मासिक तथा त्रैमासिक किस्ताबन्दी कर्जाहरूका साथै चालू पुँजी कर्जा तथा अन्य रिभल्विङ प्रकृतिका कर्जाहरूमा लगायत बैंकबाट प्रवाह भएका सम्पूर्ण क्षेत्रका कर्जाहरूमा लागू हुनेछ। बैंकले २०७७ असार महिनासम्ममा नवीकरण गर्नुपर्ने कर्जाहरूको हकमा कर्जा नवीकरण नभएको आधारमा कुनै पनि थप ब्याज, जरिवाना तथा शुल्क नलाग्ने व्यवस्था समेत गरिएको छ।

बैंकले नेपाल राष्ट्र बैंकको २०७६ चैत्र १६ गतेको निर्देशनको अक्षरंशः पालना गरी २०७६ चैत्र मसान्तसम्ममा चुक्ता भुक्तान गर्नुपर्ने सम्पूर्ण मासिक तथा त्रैमासिक किस्ता चैत्र महिनाभित्र भुक्तानी गरेका ऋणीहरूको हकमा साधारण ब्याजको १० प्रतिशतले हुन आउने छुट रकम ग्राहकहरूको खातामा वैशाख महिनामै जम्मा गरिसकेको छ । त्यसैगरी, बैंकले घोषणा गरेको योजनामा सहभागी भई वैशाख महिनासम्ममा चुक्ता भुक्तान गर्नुपर्ने सम्पूर्ण किस्ता र ब्याज रकम वैशाख मसान्तभित्र पूर्णरूपमा चुक्ता गर्नेे ग्राहकको हकमा साधारण ब्याजको १० प्रतिशतले हुन आउने छुटको रकम जेष्ठ महिनाको पहिलो साताभित्रै सम्बन्धित ग्राहकको खातामा जम्मा गरिसकेको छ ।

बैंकले यो विषम परिस्थितिमा ग्राहकलाई विशिष्टिकृत सेवा तथा सुविधा आवश्यक परेमा वा बैंकले प्रदान गर्ने सेवासम्बन्धी कुनै पनि जानकारी चाहिएमा बैंककोे ग्राहक सम्पर्क केन्द्रको टोल फ्री नम्बरः १६६०–०१–७७७७१, मिस्डकल बैंकिङः ९८०१२२७७५५, एसएमएसः ३४४८८, वेवसाइट च्याटबट तथा गुनासो सुनुवाई अधिकृतलाई ९८४०१६३६९९ तथा ९८५११०४१६९ मा सिधा सम्पर्क गर्न अनुरोध समेत गरेको छ ।