मेरो माइक्रोफाइनान्सद्वारा कर्मचारीहरूलाई दुईदिने तालिम प्रदान
काठमाडौं ।
मेरो माइक्रोफाइनान्स लघुवित्त वित्तीय संस्था लिमिटेडले नयाँ नियुक्त भएका कर्मचारीहरूलाई दुई दिने लघुवित्त व्यवस्थापनसम्बन्धी अभिमुखीकरण तालिम दिएको छ । नवनियुक्त कर्मचारीहरूलाई शाखामा पठाउनुभन्दा पहिले सामाजिकीकरण गराउने र लघुवित्तसम्बन्धी कामहरू तथा नीति नियमको बारेमा जानकारी दिने उद्देश्यले अभिमुखीकरण तालिम राखिएको संस्थाले जनाएको छ । त्यस्तै संस्थाले १० नयाँ शाखा विस्तार गरेको छ ।
तालिमको समापन समारोहमा संस्थाका प्रमुख कार्यकारी अधिकृत रामहरि दाहालले यस किसिमको तालिमले नवनियुक्त कर्मचारीहरूको कार्यकुशलता बढ्ने र कर्मचारीले यस्ता तालिमबाट आफूले सिकेको कुरा प्रयोगमा ल्याउनुपर्ने बताए । त्यस्तै संस्थाले कर्मचारीको सीप विकास तथा तालिमको लागि अभिमुखीकरण तथा बैंकिङ तालिम कार्यक्रम गर्दै आएको तथा यस्ता कार्यक्रमले कर्मचारीको आत्मविश्वासमा समेत वृद्धि गरी संस्थाको प्रतिनिधित्व गर्न थप ऊर्जा प्रदान गर्ने बताए ।
कार्यक्रममा सहभागी कर्मचारीहरूले तालिम निकै फलदायी भएको र उक्त अभिमुखीकरण तथा बैंकिङ तालिममा सहभागी हुँदा सबैसँग चिनजान गर्ने मौका र काम गर्न हौसला मिलेको बताएका थिए । दुईदिने अभिमुखीकरण तालिममा नवनियुक्त ६२ जना कर्मचारी सहभागी भएका थिए । तामिलको सहजीकरण कर्जा तथा जोखिम विभाग प्रमुख शेरबहादुर गुरुङ, योजना तथा तालिम विभाग प्रमुख उमेशमान डंगोल र जनशक्ति तथा प्रशासन विभागका अधिकृत रामकुमार सुवेदीले गरेका थिए ।
क्याटेगोरी : बैंक बित्त बजार
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया