अनलाइनबाटै एनएमबी बैंकको अन्तर्राष्ट्रिय प्रिपेड डलर कार्ड प्राप्त गर्न सकिने

काठमाडौँ । एनएमबी बैंकको अन्तर्राष्ट्रिय प्रिपेड डलर कार्ड अनलाइनबाटै प्राप्त गर्न सकिने भएको छ । बंैकका अनुसार अन्तर्राष्ट्रिय प्रिपेड डलर कार्डसम्बन्धी नेपाल राष्ट्र बैंकले ल्याएको प्रतिपत्र कार्यान्वयन गरी कार्ड जारी गर्न सुरु गरिसकेको तर वर्तमान असामान्य परिस्थिति र सुरक्षालाई ध्यानमा राखी ग्राहकहरूलाई घरमै बसेर पनि भर्चुअल डलर कार्ड लिने व्यवस्था मिलाइएको हो ।

यो व्यवस्थापश्चात् एनएमबीले प्यान कार्ड र नागरिकतासहित अन्तर्राष्ट्रिय प्रिपेड डलर कार्डको लागि अनलाइनबाटै आवेदन दिई विदेशबाट पाइने सेवाहरू, जस्तैः नेटफिलक्स, अमेजन, पेपाल, शिक्षालगायत सामाजिक सञ्जालमार्फत पनि आफ्नो व्यवसायलाई आफ्नै कार्डबाट भुक्तान गरी प्रवद्र्धन गर्न सकिने जनाएको छ । यो सुविधा बैंकको वेबसाइनमा गई आवेदन दिएमा तत्काल प्राप्त सकिनेछ ।

बैंकका अनुसार देशभर एक सय ८१ शाखाहरूमा यो योजना सञ्चालनमा छ र जुनसुकै शाखाबाट यो सुविधा प्राप्त गर्न सकिन्छ । बैंकले शाखाहरू साथै देशभरिका एक सय ३६ एटीएमहरू, नौवटा एक्सटेन्सन काउन्टरहरूमार्फत उच्चस्तरीय सेवा प्रदान गर्दै आइरहेको छ ।