सन् २०२२ मा एयरबसले ग-यो साढे छ सय व्यावसायिक विमान उत्पादन

ब्रसेल्स । एयरबसले सन् २०२२ मा ६६१ वटा व्यावसायिक विमान ग्राहकलाई उपलब्ध गराएको जनाएको छ । कम्पनीका अनुसार सन् २०२२ मा ८४ ग्राहकका लागि छ सय ६१ विमान हस्तान्तरण गरिएको हो । यो संख्या सन् २०२१ को तुलनामा ८ प्रतिशतले बढी रहेको सिन्ह्वाले जनाएको छ ।

सन् २०२२ मा कम्पनीको ‘ए ३२०’ सबैभन्दा लोकप्रिय विमान प्रकार बनेको छ । यो नमूनाका विमानहरू विश्वभर पाँच सय १६ वटा ग्राहकलाई हस्तान्तरण गरिएको थियो । यद्यपि, उक्त अवधिमा कम्पनीको नयाँ नमूनाको विमान ‘ए ३५०’ भने ६० वटा बजारमा पठाइएको थियो ।

एयरबसका प्रमुख कार्यकारी अधिकृत गुयलाउम फाउरीले व्यावसायिक विमानको आपूर्ति लक्ष्यभन्दा कम भएको बताए । एयरबसले सन् २०२२ मा एक हजार ७८ नयाँ विमानका लागि निवेदन दता भएको र डिसेम्बर अन्त्यसम्ममा सात हजार विमान निर्माणको क्रममा विभिन्न अवस्थामा रहेको उनको भनाइ छ ।