सोलुमा सम्पन्न खुला पुरुष डबल ब्याडमिन्टनको उपाधि श्रेष्ठ र खनाललाई
सोलुखुम्बु । सोलुखुम्बुमा सम्पन्न प्रथम डिबी किराँती (थुलुङ) स्मृति खुला पुरुष डबल ब्याडमिन्टन प्रतियोगिताको उपाधि सोलुखुम्बु ब्याडमिन्टन संघका अर्जुन श्रेष्ठ र आशिष खनालले हात परेका छन् । सोमबार सल्लेरीस्थित सोलुखुम्बु बहुमुखी क्याम्पस नजिकैको कभर्डहलमा सम्पन्न फाइनल खेलमा लुक्लाका लाक्पा तेन्जी तामाङ र अनुज तामाङको टिमलाई पराजित गर्दै सल्लेरीका श्रेष्ठ र खनालले उपाधि हात पारेका हुन् ।
ओखलढुंगाका श्रवण चौधरी र सञ्जय राईको टिम तथा काठमाडौंका गणेश ढुंगेल र नारायण गौतम तेस्रो स्थानमा चित्त बुझाउन बाध्य भए । यस्तै महिला महिला डबलतर्फ काठमाडौंका सोमा गुरुङ र निकिता लामाको टिम पहिलो भए । उनीहरूले सोलुखुम्बु ब्याडमिन्टन संघका पुजा मगर र माया राईलाई पराजित गर्दै उपाधिमाथि कब्जा जमाएका हुन् । सोलुखुम्बु सल्लेरीका सरिता राई र कला राई तथा ओखलढुंगाका प्रेमु राई र काठमाडौंका टसी शेर्पा तेस्रो भएका छन् ।
यस्तै पुरुष ३५ वर्षमाथिका ब्याडमिन्टनतर्फ काठमाडौंका नारायण गौतम र सोलुखुम्बु लुक्लाका ल्हाक्पा तेन्जिङ तामाङ पहिलो भएका छन् । गौतम र तामाङले ओखलढुंगाका राम राई र हित राईलाई पराजित गर्दै पहिलो उपाधि उचालेका हुन् । सोलुखुम्बु ब्याडमिन्टन संघका रघुनाथ खनाल र फूर्वा ग्याल्जेन शेर्पा (फुरी) तथा सोलुखुम्बु सल्लेरीका तुला मगर र निर्मल श्रेष्ठ तेस्रो भएको खेल संयोजक अर्जुन श्रेष्ठले जानकारी दिए । १५ वर्षमुनीको पुरुष एकलतर्फ काठमाडौंका सुभम श्रेष्ठ पहिलो भए । उनले काठमाडौंकै शिभम श्रेष्ठलाई पराजित गर्दै उपाधि उचालेका हुन् । सोलुखुम्बु ब्याडमिन्टन संघका रोमी तामाङ र विशाल तामाङ तेस्रो भएका छन् ।
डिबी किराँती (थुलुङ) स्मृति प्रतिष्ठान र सोलुखुम्बु जिल्ला ब्याडमिन्टन संघको संयुक्त आयोजनामा गत शनिबारबाट सुरु भएको प्रतियोगितामा सोलुखुम्बुसहित ओखलढुंगा, खोटाङ, उदयपुर, सिनधुपाल्चोक, सुनसरी, सिराह, सप्तरी, काठमाडौं, कास्कीको पोखरालगायतका जिल्लाहरूका खेलाडीहरूले सहभागिता जनाएको आयोजकले जनाएको छ । प्रतियोगिताअन्तर्गत १५ वर्षमुनीको सिंगल पुरुषतर्फ १४ जना, खुला महिलातर्फ ८ टिम, खुला पुरुषतर्फ १७ टिम र ३५ वर्षमाथिको डबल पुरुषतर्फ १२ टिमले सहभागिता रहेका थिए ।
ब्याडमिन्टन प्रतियोगिताको सबै इभेन्टमा प्रथम र द्वित्तीय हुनेलाई क्रमशः नगद १५ हजार र सात हजार पाँच सयको साथमा ट्रफी, मेडल र प्रमाणपत्र प्रदान गरिएको छ भने तृत्तीय हुने दुर्ई जनालाई नगद पाँच/पाँच हजारको साथमा ट्रफी, मेडल र प्रमाणपत्र प्रदान गरिएको छ । यस्तै सान्तवना हुनेलाई मेडल र प्रमाणपत्र प्रदान गरिएको खेल संयोजक श्रेष्ठले जानकारी दिए ।
क्याटेगोरी : नेपाल
ताजा अपडेट
- कुन मन्त्रीसँग कति सम्पत्ति ?
- सञ्चारगृहमा राज्यको हस्तक्षेप
- बेचबिखनविरुद्धका मुद्दामा छिटो फैसला हुन आग्रह
- प्रधानमन्त्रीसँग ‘युएन एफसिसी एसबिएसटिए’ का अध्यक्षको शिष्टाचार भेट
- कैलाश सिरोहिया पक्राउ
- सगरमाथामा कीर्तिमान बनाउने प्रतिस्पर्धा
- कागेश्वरी मनहरा घटना: मृतक कृष्णका छोरा चिरेन घाइते अवस्थामा फेला
- फिनल्याण्डद्वारा जलवायु अनुकूलन कार्यक्रमका लागि एक अर्ब ८७ करोड अनुदान
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया