लैङ्गिक हिंसाविरुद्धको १६ दिने अभियान सुरु
काठमाडौं । हरेक वर्ष नोभेम्बर २५ देखि डिसेम्बर १० सम्म विश्वभर मनाइने लैङ्गिक हिंसाविरुद्धको १६ दिने अभियान देशभर जारी छ । मङ्सिर ९ गतेदेखि लैङ्गिक हिंसाविरुद्धको १६ दिने अभियान सुरु भएको हो ।
राष्ट्रिय तथा अन्तर्राष्ट्रिय रूपमा जनचेतना विस्तार गर्न नेपालले पनि हरेक वर्ष नोभेम्बर २५ तारिखमा महिला हिंसाविरुद्धको राष्ट्रिय अभियान दिवसका रूपमा मनाउने गरेको छ । यही अवसरमा हिंसा गर्न हुन्न, सहन हुन्न किनकि यो अपराधजन्य कुरा हो भन्ने कुरा पीडित र पीडक दुवै पक्षमा सचेतना फैलाउने उद्देश्यका साथ राष्ट्रिय महिला आयोगले विभिन्न कार्यक्रम सञ्चालन गरिरहेको छ ।
समाजमा विभिन्न प्रकारका हिंसा हुने गरेकोमा घरेलु हिंसा एवम् यससँग सम्बन्धित उजुरी बढ्दै गएको आयोगकी अध्यक्ष कमला पराजुलीले बताइन् । उनले न्याय प्राप्तिका लागि हिंसाको प्रतिकार गर्नुपर्छ भन्ने सचेतनाका कारण उजुरीको सङ्ख्या बढ्दै गएको बताइन् ।
पीडितले न्याय प्राप्त गर्न के गर्नुपर्छ भन्ने जिज्ञासामा उनले यसका लागि राज्यले ऐन, कानुनको व्यवस्था गरेर मात्र नहुने सबैभन्दा जनस्तरको स्थानीय तहमा नै लैङ्गिक उत्तरदायी बजेट छुट्याइनुपर्ने बताइन् ।
महिला हिंसाको कुरा मात्र धेरै उठिरहेको बेला कतै पुरुष पनि हिंसामा परेका छन् कि भन्ने जिज्ञासामा उनले त्यस्तो हिंसा भएको छ भने प्रहरी कार्यालय, अदालत वा सम्बन्धित निकायमा जान सकिने बताइन् ।
क्याटेगोरी : समाचार
ताजा अपडेट
- जापानका विदेशमन्त्री योको बिदाइ
- अध्यादेश जारी गर्ने बागमती सरकारको निर्णय
- एक अर्ब बराबरको वैदेशिक रोजगार बचतपत्र निष्काशन हुँदै
- सिधाकुरा डटकमसम्बन्धी मुद्दा ‘हेर्दाहर्दै’मा
- जनता समाजवादी पार्टी (जसपा )विभाजित !
- प्रमुख तीर्थस्थलका रुपमा देवघाटलाई विकास गर्नुपर्ने माग
- साउनदेखि चैतसम्म नेपालगञ्ज नाकाबाट ७० करोडको जडिबुटी निकासी
- माओवादीसम्बद्ध डेढ दर्जन विभागद्वारा अर्थमन्त्रीलाई सुझाव
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया