दोलखा । जिल्लाको माथिल्लो क्षेत्रमा हिमपात भएको छ । धार्मिक तथा पर्यटकीय क्षेत्र कालिञ्चोक, शैलुङ, गौरीशंकरलगायतका माथिल्लो भू–भागमा यसवर्षको पहिलो हिउँ परेको हो ।
त्यस्तै जिल्लाको तल्लो भू–भागमा करिब छ महिनापछि वर्षा भएको छ । गतवर्षहरूमा मंसिरदेखि नै हिउँ पर्ने भए पनि पानी नपरेको कारण यसवर्ष फागुनको पहिलो हप्ता सकिँदासम्म हिउँ पर्न सकेको थिएन । आइतबार आएको मौसम परिवर्तनसँगै हल्का वर्षा भएपछि उच्च हिमाली क्षेत्रमा हिउँ खस्न सुरु गरेको हो । आइतबार अपराह्न ४ बजेदेखि कालिञ्चोक क्षेत्रमा हिम्पात भएको स्थानीय होटल व्यवसायी नवराज तामाङले जानकारी दिए ।
लामो समयपछि हिउँदे वर्षा तथा हिम्पात हुँदा जिल्लाका किसान तथा होटल व्यवसायीहरू खुसी भएका छन् । हिउँद सकिन लाग्दा समेत हिउँ नपर्दा बाली लगाउन नपाउँदा किसानहरू चिन्तित थिए भने पर्यटक नआउँदा होटल व्यवसायी मारमा परेका थिए । हाल वर्षसँगै भएको हिमपालले किसान तथा होटल व्यवसायीलगायत सबैमा उत्साह छाएको छ । हिमपातपछि कालिञ्चोकको कुरी, मन्दिर रहेको टापु, गणेश थुम्का, गैरी, शैलुङको शैलुङ डाँडा, थुम्की, गौरीशंकर हिमालआसपासका डाँडाकाँडा र जिरीको माथिल्लो भू–भाग, खरीढुङ्गालगायतका माथिल्लो क्षेत्र सेताम्य भएका छन् ।
कालिञ्चोकको कुरी क्षेत्रमा पर्यटकलाई लक्षित गरी स्थानीय होटल व्यवसायीले सुविधासम्पन्न करिब एक सयवटा होटल सञ्चालनमा ल्याएका छन् । हिउँ परेसँगै कालिञ्चोक क्षेत्रमा आन्तरिक पर्यटक बढ्ने संकेत देखिएको छ ।
क्याटेगोरी : प्रदेश समाचार, बागमती प्रदेश, समाचार
ट्याग : #Page 8
ताजा अपडेट
- सगरमाथा आरोहणको यो सिजन ‘लगभग सकियो’, कस्तो रह्यो ?
- स्वस्थ्यमा समस्या देखिएपछि कैलाश सिरोहिया अस्पताल भर्ना
- गण्डकीका एक लाख १० हजार बालबालिकालाई आइपिभी खोप
- शिवशिखरका संचालक केदारनाथलाई ३३ अर्बको सम्पत्ति शुद्धीकरण
- नेपाल टेलिकमका पूर्वप्रबन्ध सञ्चालक डिल्लीराम अधिकारीले डलरमा घुस लिएको तथ्य फेला !
- कैलाश सिरोहियालाई थप तीन दिन हिरासतमा राख्न अनुमति
- मूल्य वृद्धिले उद्योग बन्द हुने अवस्थामा पुगेको भन्दै महासङ्घद्वारा ध्यानाकर्षण
- कांग्रेस सभापति देउवासँग एम्नेस्टी इन्टरनेसनलका महासचिवको भेट
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया