Techie IT
×
गृहपृष्ठबिबिधकायखेतमा मोटरेबल पुलको शिलान्यास

कायखेतमा मोटरेबल पुलको शिलान्यास


सोलुखुम्बु ।
सोलुखुम्बु जिल्लाको माप्यदूधकोशी गाउँपालिका र थुलुङ दूधकोशी गाउँपालिका जोड्ने कायखेतमा मोटरेबल पुलको शिलान्यास गरिएको छ । माप्यदूधकोशी गाउँपालिका वडा नम्बर ६ र थुलुङ दूधकोशी गाउँपालिकाको वडा नम्बर ७ को सिमानामा पर्ने दूधकोशी नदीमा निर्माण हुनलागेको पुलको शिलान्यास गरिएको हो । सोलुखुम्बुका संघीय सांसद हेम कुमार राई (सुरवीर), प्रदेश सांसद एवम् नेकपा प्रदेश १ संसदीय दलका प्रमुख सचेतक बुद्धि कुमार राजभण्डारी र प्रदेश सांसद उत्तम कुमार बस्नेतले सोमबार उक्त पुलको शिलान्यास गरेका हुन् ।

करिब साडे पाँच करोडको लागतमा निर्माण हुने पुलका लागि संघीय सरकार स्थानीय पूर्वाधार विकास साझेदारी कोषको १ करोड १० लाख, प्रदेश सांसद कोषको ५० लाख, प्रदेश सरकारको २ करोड र अपुग रकम माप्यदूधकोशी गाउँपालिकाले व्यहोर्ने सहमति भएको जनाइएको छ । उक्त पुलको निर्माणको जिम्मा जलप नेपाल कन्स्ट्रक्सनले पाएको छ । पुल निर्माणपछि अतिविकट छुट्टै टापुको रुपमा रहेको वडा नम्बर ६ र ७ का नागरिकहरू प्रत्यक्ष लाभान्वित हुनका साथै पर्यटकीय क्षेत्र मेरापिक जान पनि छोटो र उपयुक्त मार्ग पर्ने बताइएको छ ।


क्याटेगोरी : बिबिध

तपाईको प्रतिक्रिया