द ब्रिटिश कलेज पाँचौं ताम्रकार फूटसल प्रतियोगिता हुने
काठमाडौं । ताम्रकार समाजले आयोजना गर्दै आएको ताम्रकार फुटसल प्रतियोगिताको पाँचौँ संस्करण यस वर्ष पनि हुने भएको छ । कात्तिक १९ गते शनिबार र २६ गते शनिबारका दिन सानेपास्थित फिल्ड फुटसल ग्राउण्डमा फूटसल प्रतियोगिता हुने भएको ताम्रकार समाजको युवा तथा खेलकुद उपसमितिले जनाएको छ ।
खेलकुदको माध्यमबाट समाजमा भाइचाराको अभिवृद्धि गर्न एवं समाजमा सकारात्मक परिवर्तनको उद्देश्यका साथ ताम्रकार समाजले विगत वर्षदेखि नियमित रुपमा फुटसल प्रतियोगिता गर्दै आइरहेको जानकारी दिएको छ । ललितपुरका विभिन्न समाजका खेलाडीहरुको सहभागी रहने प्रतियोगिताको यस संस्करणको लागि थापाथलीस्थित ट्रेड टावरमा अवस्थित द ब्रिटिस कलेजले मुख्य प्रायोजन गरेको छ । ताम्रकार फूटसलको पाँचौँ संस्करणमा विभिन्न आठ वटा उद्योग र कम्पनीहरुले टिमको प्रायोजन गरेका छन् । प्रायोजन गरेका कम्पनीकै नामबाट टिमको नाम कायम रहने उक्त प्रतियोगितामा ललितपुरका विभिन्न समाजका ६० भन्दा बढी खेलाडीहरुले सहभागिता जनाउनेछन् ।
टिम प्रायोजन गर्ने उद्योग र कम्पनीहरुमा विके सुन चाँदी पसल, भैरवनाथ आइरन इन्डष्ट्री, दिल ह्याण्डीक्राफ्ट, मेडस्मार्ट फार्मेसी, श्री नन्द मिठाइ भण्डार, आर्ट फेसन नेपाल, ओरियन इलेक्ट्रिकल, टेकम्याकस डिजिटल सलुसन रहेका छन् । भैरवनाथ आइरन इन्डष्ट्री गत संस्करणका विजेता हुन् । विजेता तथा उपविजेता टोलीले आकर्षक ट्रफी, मेडलका साथै नगद पुरस्कार प्राप्त गर्नेछन् । प्रतियोगिताका लागि करिब साढे आठ लाख खर्च लाग्ने अनुमान गरिएको आयोजकले जनाएको छ । यस प्रतियोगिताको लागि प्रायोजित कम्पनीहरुबाट खेलाडी छनौट, जर्सी वितरण, प्राक्टीस म्याच, प्रमोसनल भिडियो प्रकाशनलगायतका कार्यहरु भइसकेको ताम्रकार समाजको युवा तथा खेलकुद उपसमितिले जनाएको छ ।
प्रतियोगिता अवधिमा अण्डर १४, महिला खुल्ला तथा भेट्रान टिमले पनि प्रतिस्पर्धा गर्नेछन् । यस प्रतियोगिताका अन्य प्रायोजकहरुमा सिभिल बैंक, प्रभु बैंक, सम्झना ल्याबोरेटरी क्लिनिक, प्रभु क्यापिटल, म्याक डेकोर, उत्तम चिया, भिजन नेपाल, यसुधा, धातु स्टोर, जुजु व्येर्स र ब्रिटानिया छन् ।
क्याटेगोरी : बिबिध
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया