Techie IT
×
गृहपृष्ठबिबिध‘ह्याकिङ फर ह्युम्यानिटी’ ह्याकाथन हुने

‘ह्याकिङ फर ह्युम्यानिटी’ ह्याकाथन हुने


काठमाडौं । एनसेल र शिक्वेल फाउन्डेसनको सहकार्यमा ‘ह्याकिंग फर ह्युम्यानिटी’ ह्याकाथन हुने भएको छ । देशभरका सूचना प्रविधि क्षेत्रमा अध्यनरत छात्रा तथा यस क्षेत्रमा कार्यरत महिलाहरुलाई लक्षित गर्दै माघ २७ देखि २९ गतेसम्म ह्याकाथन हुन लागेको हो ।

विविधता, समानता र समावेशीकरण अर्थात डाइभर्सिटी, इक्विटी एन्ड इन्क्लुशन (डीईआई) प्रति आफ्नो प्रतिवद्धता अनुरुप एनसेलले शिक्वेल फाउन्डेसनसँग नेपालमा हालसम्मकै ठूलो यो ह्याकाथनका लागि सहकार्य गरेको जनाएको छ । यसको प्रमुख उद्देश्य महिलाहरुलाई सञ्चार तथा सूचना प्रविधि क्षेत्रमा प्रोत्साहन गर्नु हो । यस कार्यक्रमको अन्य साझेदारहरुमा गर्ल्स इन टेक र वुमन इन बिग डेटा रहेका छन् । शिक्वेल फाउन्डेसनका अनुसार, छनोटमा परेको सहभागी महिलाका समूहहरुले स्वास्थ्य, शिक्षा, कृषिलगायतका विभिन्न क्षेत्रमा देखिएका समस्याहरुलाई समाधान गर्न विभिन्न सोलुसन्सका प्रोटोटाइपहरु बनाउने छन् । हाल यस कार्यक्रमको तयारीस्वरुप काठमाडौंलगायत देशका विभिन्न ठाउँहरुमा कजेल एक्टिभेसनका कार्यहरु भइरहेका छन् ।

यस ह्याकाथनले महिलाहरुलाई सूचना प्रविधि क्षेत्रमा आफ्नो करियर बनाउन र यस क्षेत्रमा रहेका विभिन्न सम्भावनाहरुसँग उनीहरुलाई जोड्न महत्वपूर्ण योगदान पु-याउने विश्वास एनसेलले लिएको छ । यस कार्यक्रमले सूचना प्रविधिमा रहेका महिला र नन–बाइनरी ह्याकरहरुलाई एकअर्कासँग सहकार्य गर्न र आफ्ना नवीन सोचलाई सोलुसन्समा परिवर्तन गर्न एक प्लेटर्फम प्रदान गरेको छ । यस ह्याकाथनमा भाग लिन इच्छुक सूचना प्रविधि अध्ययन गरिरहेका छात्राहरु तथा यस क्षेत्रमा काम गरिरहेका महिलाहरुले तीन जनाको समूह बनाई यो कार्यक्रमको रजिस्ट्रेसन कोड स्क्यान गरेर एनसेल एपमार्फत आफ्नो समूह दर्ता गर्न सक्छन् । दर्ता भएका समूहहरु मध्येबाट छानिएका समूहहरुको लिस्ट माघ २० घोषणा गरिने एनसेलले जनाएको छ । कार्यक्रम पूर्व तयारीस्वरुप हाल विभिन्न कलेजहरूमा डिजाइन थिंकिङ, इन्टरप्रेन्युरियल फाइनान्स, बिजनेस मोडल क्यानभास, स्टोरी प्रेजेन्टेशन आइडिया पिचिङ र डेलिभरिमा केन्द्रित हुँदै कार्यक्रमहरुको आयोजना भइरहेका छन् । 


क्याटेगोरी : बिबिध

तपाईको प्रतिक्रिया