अधिकांश महिलामा पाठेघर क्यान्सरको जोखिम
काठमाडौं । बैतेश्वर गाउँपालिका अधिकांश महिलाहरू पाठेघर क्यान्सरको जोखिममा रहेको पाइएको छ । ग्रिनतारा नेपालको आर्थिक तथा प्राविधिक सहयोग र बैतेश्वर गाउँपालिकाको व्यवस्थापनमा सञ्चालित तीन दिने महिलाहरूको पाठेघर क्यान्सरको निःशुल्क स्वास्थ्य परीक्षण शिविरमा महिलाहरूको पाठेघर परीक्षण गर्दा धेरैमा पाठेघर खस्ने र क्यान्सरको खतरा रहेको पाइएको हो ।
शिविरमा चार सय ४९ जनाको स्वाब परीक्षण गर्दा २४ जनामा पाठेघर क्यान्सरको रिपोर्ट पोजेटिभ भेटिएको बैतेश्वर अस्पतालकी प्रमुख डाक्टर निरामिका पाठकले बताइन् । त्यस्तै, ७७ जना महिलामा पाठेघर खस्ने समस्या देखिएको छ । चेतनाको कमी तथा सामाजिकरूपमा खुलेर भन्न नसक्ने र आर्थिक विपन्नताको कारण धेरै महिलाले पाठेघरमा देखिएको समस्या लुकाएर बस्ने गरेको ग्रिनतारा नेपाल बैतेश्वरका कार्यक्रम संयोजक टंक श्रेष्ठले बताए । पाठेघरको समस्या भेटिएका अधिकांश महिला २५ देखि ५० वर्ष उमेर समूहका रहेका छन् । श्रेष्ठका अनुसार कतिपय स्वास्थ्य स्वयम्सेविकामा समेत पाठेघर खस्ने समस्या भेटिएको छ । पारिवारिक जिम्मेवारी, सुत्केरी अवस्थामा पोषण र आराम नपुग्दा, सानो उमेरमै विवाह गर्दा पाठेघरका रोगी महिलाहरू वृद्धि हुँदै गएको उनले बताए ।
ग्रिनतारा नेपालले पहिलो दिन गाउँपालिकाले वडा नम्बर १, २ र ३ लाई लक्षित गरी शिविर आयोजना गरेको थियो भने दोस्रो दिन वडा नम्बर ४, ५ र ८ लक्षित र तेस्रो दिन वडा नम्बर–६ र ७ लक्षित शिविर आयोजना गरेको थियो । समाजमा अझै पनि धेरै महिलाहरूमा पाठेघरलगायतका समस्या रहेकाले पालिका तथा स्थानीय स्वास्थ्य संस्थाले यस्ता शिविर गाउँगाउँमा गर्न आवश्यक रहेको श्रेष्ठले बताए ।
क्याटेगोरी : स्वास्थ्य / जिवनशैली
ट्याग : #Page 8
ताजा अपडेट
- कोशी प्रदेश योजना आयोगको उपाध्यक्षमा अधिकारी नियुक्त
- बजेटले सुधार गर्नैपर्ने केही कुरा
- पोखरामा डिस्ट्रिक्ट ३२५ जेको क्याबिनेट अफिसर्स स्कुलिङ कार्यक्रम
- दर्ता नभएका र कर नतिर्ने फर्निचर उद्योगलाई नियमनको दायरामा ल्याउन आग्रह
- उद्योग तथा व्यवसायमा करिब पाँच खर्ब विदेशी लगानी प्रतिबद्धता
- बैंकिङ प्रणालीमा थपियो चार खर्ब नौ अर्ब निक्षेप
- भन्सार दर घटाउन चेम्बरले पहल गर्ने
- इरानी राष्ट्रपति इब्राहिम रइसी चढेको हेलिकोप्टर दुर्घटनास्थल ‘फेला पर्यो’
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया