ब्रिटिश गोर्खाहरुको संघर्ष समितिद्वारा पुनः आन्दोलनको घोषणा
काठमाडौं ।
बेलायती सेनाका भूतपूर्व सैनिकहरुले फेरि आन्दोलन गर्ने भएका छन् । बेलायती सेनामा नेपाली नागरिक र बेलायती नागरिकबीच भएको विभेदलाई लिएर भूतपूर्व सैनिक अर्थात् ब्रिटिश गोर्खाहरुको संघर्ष समितिले पुनः आन्दोलन गर्ने भएको हो । ब्रिटिश गोर्खा सत्याग्रह संयुक्त समिति यूके–नेपालले सोमबार काठमाडौंमा पत्रकार सम्मेलन आयोजना गरी विभेदकारी मुद्दा सदाको लागि समाधान गर्न नेपाल सरकार र ब्रिटिश सरकारको ध्यानाकर्षण गराएको छ ।
पत्रकार सम्मेलनको क्रममा समितिका सचिव पुष्पा राना घलेले आफूहरुको मागलाई नेपाल सरकार तथा बेलायत सरकारले बेवास्ता गर्दै आएको बताए । दुवै पक्षले आफूहरुको माग सनुवाइ गर्न तत्परता नदेखाएको भन्दै जुलाई पहिलो हप्ताबाट आन्दोलनस्वरुप रिले भोक हडतालमा बस्ने बताए ।
‘आगामी मे महिनाको सुरुमै बेलायती सरकारलाई अल्टिमेटम पत्र जाहेर गर्ने र तोकिएको मितिभित्र सकारात्मक जवाफ नआए जुन महिनाको सुरुमा अन्तर्राष्ट्रिय कानुनविद्हरुको सम्मेलन गर्ने तथा तत्पश्चात् भोक हडतालमा बस्नेछौँ’, उनले भने, ‘त्यसपछि पनि आफूहरुका मागहरुको सुनुवाइ नभए अर्को बृहत् सत्याग्रह गर्ने र अन्तर्राष्ट्रिय निकायहरुमा मुद्दा दायर गर्न बाध्य हुनेछौँ ।’ पक्रकार सम्मेलनको क्रममा सहभागीहरुले आफूहरुले सेनामा रहेर ब्रिटिश नागरिकसरह आफ्नो जीवनको प्रवाह नगरी सेवा गरेको तर सोही सेवामा रहँदा सेवा सुविधामा भने विभेद खेप्नुपर्दा पीडित हुनपुगेको बताए ।
यसैबीच अग्रपंक्तिमा रहेर ब्रिटिश स्वार्थको लागि जीवन बलिदान दिने गोर्खा सैनिकमाथिको विभेदपूर्ण व्यवहार स्पष्ट तथ्य, अपहेलित र खेदजनक भएको उनीहरुको भनाइ छ । उनीहरुले २२ मार्च २०१८ मा संयुक्त प्राविधिक प्रतिवेदन सरकारलाई बुझाएको थियो । यस्तै नेपाल सरकारले पनि ब्रिटिश सरकारलाई १२ फेब्रुअरी २०२० मा वार्ता गर्न पत्र पठाएको थियो तर ब्रिटिश सरकारले कुनै सकारात्मक कदम नचालेसँगै आफूहरु पुनः आन्दोलित हुन बाध्य भएको भूतपूर्व गोर्खा सैनिकहरुले बताएका छन् । बेलायती सेनाका भूतपूर्व सैनिकहरुले आफ्नो समान अधिकारप्राप्तिका लागि २०१३ मा १५ दिने सत्याग्रह गरेका थिए ।
क्याटेगोरी : नेपाल
ताजा अपडेट
- शान्ति समाजद्वारा श्रमजीवी पत्रकारको सुरक्षा हुनुपर्नेमा जोड
- लोकतन्त्रमा मात्रै सञ्चार क्षेत्रको विकास एवं प्रवर्द्धन सम्भव छ: सभामुख घिमिरे
- जनताका पक्षमा सरकारले ऐतिहासिक काम गरेको छ: प्रधानमन्त्री
- ब्याजदर स्थिर राख्ने अमेरिकी केन्द्रीय बैंकको निर्णय
- एसिया प्रशान्त क्षेत्रमा वृद्धवृद्धाको संख्या दोब्बर बढ्ने अनुमान
- नारायणी डेभलपमेन्ट बैंकको साधारणसभा
- अन्तर्राष्ट्रिय औद्योगिक व्यापार मेलाको तयारी पूरा
- एनसेलकी एक्टिङ सीटीओ कंसाकार ‘नेसनल आइसिटी एक्सिलेन्स अवार्ड’ बाट सम्मानित
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया