९० लाखको खर्चमा वीर गणेशमान सिंह खेलकुद प्रतियोगिता हुँदै
काठमाडौं । प्रजातान्त्रिक आन्दोलनका युगपुरुष, निष्ठावान् राजनेता एवं जनआन्दोलनका कमान्डर लौहपुरुष स्व. गणेशमान सिंहको स्मृतिमा ‘वीर गणेशमान सिंह खेलकुद प्रतियोगिता’ हुने भएको छ ।
राष्ट्रिय तथा अन्तर्र्राष्ट्रिय खेल क्षेत्रमा विविध गतिविधिहरू सञ्चालन गर्दै स्व. सिंहको जीवन सन्देशलाई नयाँ पुस्तासम्म पु-याउने उद्देश्यका साथ विभिन्न तीनवटा खेलहरूमा राष्ट्रियस्तरको प्रतियोगिता सञ्चालन गर्न लागिएको हो । वीर गणेशमान सिंह स्पोर्टस कमिटीले सोमबार राजधानीमा आयोजना गरेको कार्यक्रममा उक्त प्रतियोगिताबारे जानकारी दिइएको थियो । खेलकुदका विभिन्न तीन विधामा हुने कार्यक्रम आगामी शनिबारबाट सुरु हुनेछ । तीन विधाको तीन चरणमा हुने प्रतियोगिताअन्तर्गत पहिलो खेल फेन्सिङ प्रतियोगिता फागुन २१ देखि २३ सम्म, दोस्रो बक्सिङ प्रतियोगिता वैशाख ६ देखि १० सम्म र तेस्रो १० के दौड प्रतियोगिता वैशाख १७ गते हुने आयोजकका तर्फबाट संयोजक सञ्जिव तुलाधरले जानकारी दिए । तेस्रो वीर गणेशमान सिंह १० के दौड प्रतियोगितामा यस वर्षबाट पाँच के दोड समेत समावेश गरिएको संयोजक तुलाधरले बताए ।
यसै हप्ताबाट सञ्चालन हुने वीर गणेशमान सिंह फेन्सिङ प्रतियोगितामा महिला तथा पुरुषतर्फ तीन/तीनवटा इभेन्टमा प्रतिस्पर्धा हुनेछ भने आगामी वैशाख पहिलो हप्ता सञ्चालन हुने वीर गणेशमान सिंह राष्ट्रिय बक्सिड प्रतियोगितामा ओलम्पिक तौलअनुसार पुरुषतर्फ सात र महिलातर्फ पाँच गरी १२ वटा तौलसमूहमा प्रतिस्पर्धा हुनेछन् । फेन्सिङ प्रतियोगिताको संयोजकमा संघका कोषाध्यक्ष अनुप कपाली, बक्सिड प्रतियोगिताको प्राविधिक डाइरेक्टरमा बक्सिड प्रशिक्षक प्रचण्ड शर्मा र संयोजकमा राजीव श्रेष्ठ रहने आयोजकले जनाएको छ । प्रतियोगिता सञ्चालन गर्नको लागि फेन्सिङतर्फ २५ लाख, बक्सिङतर्फ ५० लाख र १० के दौडतर्फ १५ लाख गरी कुल ९० लाख खर्च हुने आयोजकको अनुमान छ ।
क्याटेगोरी : समाचार
ताजा अपडेट
- रामगीता वाङ्मय मन्दिर अमेरिका–नेपालद्धारा तीन स्रष्टालाई एकसाथ पुरस्कृत
- ज्ञानेश्वरको ६ रोपनी सरकारी जग्गा बानिता अग्रवालले कसरी गरिन् कब्जा ?
- आज विश्व प्रेस स्वतन्त्रता दिवस
- देशमा पश्चिमी र स्थानीय वायुको प्रभाव कायमै
- सञ्चारमन्त्री शर्माद्वारा सार्वजनिक सेवा प्रसारणसम्बन्धी विधेयक अघि बढाउन आग्रह
- प्रधानमन्त्रीसँग संयुक्त राष्ट्रसङ्घका सहायक महासचिवको शिष्टाचार भेट
- पंक्षी संरक्षणमा क्रियाशील राजु आचार्य पुरस्कृत
- अप्रिलमा नेपाल भित्रने पर्यटक १२ दशमलव ७५ प्रतिशतले बढे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया