माथिल्लो चमेलिया जलविद्युत् आयोजनाको निर्माण अन्तिम चरणमा
काठमाडौं । माथिल्लो चमेलिया जलविद्युत् आयोजनाको निर्माणकार्य अन्तिम चरणमा पुगेको छ । अपि पावर कम्पनी लिमिटेडले आफ्नो छैटौँ आयोजनाको रूपमा दार्चुला जिल्लामा बहने चमेलिया नदीमा उक्त आयोजना निर्माण गरिरहेको हो ।
४० मेगावाट क्षमतको यस आयोजनाको निर्माणकार्य अन्तिम चरणमा पुगेको कम्पनीका कार्यकारी सञ्चालक सञ्जिव न्यौपानेले जानकारी दिए । आयोजनाबाट उत्पादित विद्युत् शक्ति नेपाल विद्युत् प्राधिकरणको चमेलिया जलविद्युत् आयोजनाको बलाँच सबस्टेसनमा १३२ केभीका टावरहरूबाट जडान गरिनेछ । आयोजनाको निर्माण कम्पनीले २४ महिनाभित्रै सम्पन्न गर्न लागेको हो । कम्पनीको यो छैटौँ आयोजनाको निर्माणपश्चात् कम्पनीले सेयरधनीहरूलाई अझ आकर्षक लाभांश दिन सक्ने समेत जनाएको छ । यो आयोजना विसं २०८० साल वैशाखभित्र सञ्चालनमा आउने समेत कम्पनीले जनाएको छ ।
हाल आयोजनाको विद्युत्गृह, सर्ज ट्यांक, सबस्टेसनको निर्माणकार्य सतप्रतिशत सम्पन्न भइसकेको छ भने एलान्मेन्टतर्फ आठ सय मिटर पाइप जडानको अन्तिम कार्य तथा बाँधस्थलको अन्तिम सिभिलकार्य भइरहेको छ । आयोजनामा जेपर्ट, अष्ट्रलिया आयात गरिएका मेसिनहरू साइटमा जडानको कार्य समेत सुरु गरिएको छ । आयोजनामा हिमालयन बैंक लिमिटेडको अगुवाइमा रहेका कन्सोर्टियम बैंकहरूको लगानी रहेको छ ।
दार्चुला जिल्लामा कम्पनीले यसअघि ८ दशमलव ५ मेवा क्षमताको नौगड गाढ जलविद्युत् आयोजना र आठ मेवा क्षमताको माथिल्लो नौगड गाढ जलविद्युत् आयोजनाको निर्माण सम्पन्न गरी राष्ट्रिय प्रसारण लाइनमा प्रवाह गरिरहेको छ । कम्पनीले मिश्रित ऊर्जा नीतिलाई आत्मसात् गर्दै चार मेवा क्षमताको चन्द निगापुर सौर्य आयोजना, एक मेवा क्षमताको ढल्केवर सौर्य आयोजना र एक मेवा क्षमताको सिमरा सौर्य आयोजनाको निर्माण सम्पन्न गरी यी सौर्य आयोजनाहरू समेत राष्ट्रिय प्रशारण लाइनमा प्रवाह गरिरहेको छ । दुईवटा जलविद्युत् आयोजनाहरू र तीनवटा सौर्य आयोजनाहरू सञ्चालन गरिरहेको यो कम्पनीले आफ्नो संस्थापनकालबाट नै सेयरधनीहरूलाई लाभांश वितरण गरिरहेको नेपालको यो एक ठूलो ऊर्जा कम्पनी रहेको छ ।
क्याटेगोरी : समाचार
ताजा अपडेट
- मेची भन्सारद्वारा ११ अर्ब ३२ करोडभन्दा बढी राजश्व संकलन
- यी हुन आज शेयर बजारबाट सबैभन्दा धेरै कमाउने दश कम्पनी
- औद्योगिक विकासतर्फ अग्रसर हुन घरेलु उद्यमशीलतालाई बढावा दिन जरुरी छ: राष्ट्रपति पौडेल
- सिन्धुली चियाबारी–खुर्कोट सुरुङ मार्ग निर्माण थालनी गर्न प्रधानमन्त्रीसँग माग
- घरेलु तथा साना उद्योगद्वारा उत्पादित वस्तुको अन्तर्राष्ट्रियस्तरको बिक्री कक्ष स्थापना जरुरी: मन्त्री भण्डारी
- १९ सय ६० बिन्दुमा खुम्चियो सेयर बजार
- दुर्घटनामा एक विद्यार्थीको मृत्यु, आठ घाइते
- सडक नभएमा अन्य संरचना निर्माण गर्नुको कुनै औचित्य हुँदैन: अध्यक्ष ओली
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया