भेन्चर वेस्ट टु इनर्जीलाई अवार्ड
काठमाडौं । संयुक्त राष्ट्र आर्थिक आयोग (यूएनईसीई)ले भेन्चर वेस्ट टु इनर्जीलाई सार्वजनिक–निजी साझेदारी र इन्फ्रास्ट्रक्चर अवार्ड प्रदान गरेको छ । युरोपको संयुक्त राष्ट्र आर्थिक आयोगले नेपाललाई उत्कृष्ट ५ सार्वजनिक–निजी साझेदारी र पूर्वाधार परियोजनाहरूमध्ये एकको लागि सम्मान गरेको थियो । जसमा धरान उपमहानगरपालिकाको घरायसी ठोस फोहोरबाट ऊर्जा उत्पादन गरेको आधारमा भेन्चर वेस्ट टु इनर्जीलाई सो अवार्ड प्रदान गरेको हो । यसमा नेपालले तेस्रो स्थान हासिल गरेको छ ।
भेन्चर वेस्ट टु इनर्जीले ५० मेट्रिक टन अविभाजित फोहोरबाट ऊर्जा उत्पादन गरेको थियो । नेपालको धेरै फोहोरमा बायोडिग्रेडेबल अर्गानिक फोहोर हुने भएकाले भेन्चर वेस्ट टु इनर्जीले दैनिक ३० मेट्रिक टन बायोडिग्रेडेबल फोहोरलाई पूर्ण क्षमतामा प्रशोधन गर्ने गरेको छ । संस्थाले एनारोबिक डाइजेसन टेक्नोलोजीको प्रयोग गरी बायो कम्प्रेस्ड नेचुरल ग्यास ऊर्जाको नवीकरणीय स्रोतको रूपमा उत्पादन गरी धरानमा टेम्पोहरू चलाउँदै आएको छ । सोही फोहोरबाट जैविक मलको पनि उत्पादन गरिन्छ ।
विश्वका पाँच सयभन्दा बढी सार्वजनिक–निजी साझेदारी परियोजनाहरूमध्ये शीर्ष ५ फाइनलिस्टको रूपमा चयन गरिएको थियो । नेपाल पहिलो पटक संयुक्त राष्ट्र आर्थिक आयोग सार्वजनिक–निजी साझेदारी र पूर्वाधार अवार्ड २०२३ मा सहभागी भएको थियो । भेन्चर वेस्ट टु इनर्जी टोलीले सातौं अन्तर्राष्ट्रिय सार्वजनिक–निजी साझेदारी फोरममा परियोजना प्रस्तुत गरेर नेपालको प्रतिनिधित्व गरेको थियो । यस परियोजनाले सर्कुलर इकोनोमी, हरितगृह ग्यास उत्सर्जन घटाउने, गरिबी न्यूनीकरण, रोजगारी सिर्जना, फोहोर घटाउने, नवीकरणीय ऊर्जाको प्रयोग र कार्बन तटस्थतामा योगदान पु¥याएकोले यो सम्मान गरिएको आयोजकले जनाएको छ ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- इलाम उपनिर्वाचनः फाकफोकथुम–१,२ , ३ र ४ को मतगणना सकियो
- पहिचानसहितको नागरिकता पाउनुपर्ने यौनिक तथा लैङ्गिक अल्पसङ्ख्यक समुदायको माग
- दोहोरो अंकले उक्लियो सेयर बजार
- हिमाञ्चल प्रदेशमा बहादुरसिंहको शालिक अनावरण
- हालसम्म मकवानपुरमा डेङ्गु सङ्क्रमितबाट एक जनाको मृत्यु
- इलाम उपनिर्वाचन: फाकफोकथुम–१ को मतगणना सकियो
- बझाङ उपनिर्वाचन अपडेट: चार सय मत गणना
- कामपाका सामुदायिक विद्यालय प्रविधिमैत्री बन्दै
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया