रोज ब्युटी एकेडेमीका २२औँ वार्षिक उत्सव
काठमाडौं । रोज ब्युटी एकडेमी तथा रोज स्किल डेभलपमेन्ट सेन्टरको २२औँ स्थापना दिवस काठमाडौंमा सम्मान तथा दीक्षान्तसहित विभिन्न कार्यक्रम आयोजना गर्दै मनाइएको छ । काठमाडौंको रविभवनमा रहेको यो एकेडेमीको २२औँ वार्षिक उत्सवको बागमती प्रदेशका सांसद बिन्दु श्रेष्ठ, सीटीईभीटीका सदस्यसचिव जीव नारायण काफ्ले, लायन्स डिस्ट्रिक ३२५ एल नेपालका गभर्नर मणिश्री रत्न बज्राचार्यलगायतले पानसमा बत्ती बालेर उद्घाटन गरेका थिए ।
कार्यक्रममा विभिन्न क्षेत्रमा लामो समयदेखि योगदान पु¥याएको व्यक्तिहरुलाई सम्मान गरिएको रोज ब्युटी एकेडेमीकी अध्यक्ष एवम् वरिष्ठ ब्युटिसियन सोनी कारँजितले जानकारी दिइन् । कार्यक्रममा वरिष्ठ साहित्यकार दुर्गा किरण तिवारी, अभिनेत्री सञ्चिता लुइँटेल, अग्रज गायिका मञ्जु पौडेल, समाजसेवी गणेश शाही, समाजसेवी सृजना नेवा, समाजसेवी ईश्वरी खत्री, सौन्दर्यकर्मी शकुन्तला अवाले, समाजसेवी तथा लायन सञ्जय अधिकारी, समाजसेवी तथा व्यवसायी मिलन दाहाललगायत सम्मानित भए । रोज ब्युटी एकेडेमीबाट सीटीईभीटीमा ब्युटिसियन कोर्षमा लेबल वान र लेबल टु (डिप्लोमा) गरेका ६० जना ब्युटिसियनहरुलाई कार्यक्रममा टोपी लगाएर प्रमाणपत्र प्रदान गर्दै दीक्षित गरिएको थियो । यस्तै रोज ब्युटी एकेडेमीबाट ब्युटिसियन कोर्षमा डिप्लोमा गरेका ६८ जनालाई कार्यक्रममा प्रमाणपत्र प्रदान गरिएको थियो ।
रोज ब्युटी एकेडेमीकी अध्यक्ष एवम् वरिष्ठ सौन्दर्यकर्मी सोनी कारँजितले आफूहरुले २२ वर्ष अघिबाट रोज ब्युटी एकेडेमी सुरु गरेको र हालसम्म १२ हजार ब्युटिसियनलाई ब्युटिसियनसम्बन्धी प्रशिक्षण दिएर आत्मनिर्भर बनाएको बताइन् । कार्यक्रममा बागमती प्रदेशकी सांसद बिन्दु श्रेष्ठले नेपालमा महिलाहरुलाई ब्युटिसम्बन्धी पेसा सिकाई रोजगारी दिएर आर्थिक रुपमा सक्षम बनाउन रोज ब्युटी एकेडेमीको ठूलो योगदान रहेको बताइन् ।
क्याटेगोरी : कर्पोरेट-वाणिज्य-उद्योग
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया