काठमाडौं । गतवर्ष यतिबेला बैंक तथा वित्तीय संस्थामा ब्याजदर बढाउने होडबाजी थियो । तर, अहिले परिस्थिति फेरिएको छ । अधिक तरलताको स्थिति आएपछि बैंक तथा वित्तीय संस्था ब्याजदर घटाउने प्रतिस्पर्धामा छन् ।
अहिले बैंकिङ प्रणालीमा कुल निक्षेप ६० खर्ब ३४ अर्ब पुगेको छ । यो निक्षेपमा बैंकहरूले ५४ खर्ब ३० अर्ब रुपैयाँ कर्जा प्रवाह गर्न पाउँछन् । कर्जा निक्षेप अनुपात (सीडी रेसियो) ९० प्रतिशतको सीमाभित्र रहेर कर्जा प्रवाह गर्न पाउँछन् । तर, अहिलेसम्म ५० खर्ब पाँच अर्ब रुपैयाँ प्रवाह भएको छ । यस आधारमा बैंक तथा वित्तीय संस्था अझै चार खर्ब २५ अर्ब लगानी गर्नसक्ने क्षमतामा छन् ।
निक्षेप बढ्दै जाने तर कर्जाको माग नहुने स्थिति भएपछि बैंकहरूले ब्याजदर घटाउन थालेका छन् । सबै बैंकको निक्षेपको ब्याजदर एकल विन्दुमा छ । कर्जाको ब्याजदर पनि एकल आउन थालेको छ ।
बैंकहरूले विज्ञापन नै गरेर एकल अंकको कर्जा अफर गरिरहेका छन् । विशेषगरी व्यक्तिगत आवास कर्जामा बैंकहरूले एकल अंकको ब्याजदरमा कर्जा दिने भएका हुन् । नबिल बैंक र ग्लोबल आईएमई बैंकले एकल अंकको ब्याजदरमा नै घरकर्जा दिने भएका छन् । नबिल बैंकले ‘ढुक्क घरकर्जा’मा नौ दशमलव ९९ प्रतिशतमै ऋण दिने सूचना सार्वजनिक गरेको छ । ग्लोबल आईएमई बैंकले पनि ‘ग्लोबल होमलोन’ स्किममा सात दशमलव ९९ प्रतिशतबाट नौ दशमलव ६६ प्रतिशत ब्याजदरमै कर्जा दिने भएकोे छ ।
बैंकिङ प्रणालीमा पैसा थुप्रिँदै गएको तर कर्जा विस्तार हुन नसकेको अवस्थामा बैंकहरूलाई ब्याजदर घटाउन दबाब परेको छ ।
अन्य क्षेत्रमा कर्जाको माग नआएपछि बैंकहरूले घरकर्जा र सेयर कर्जालाई फोकस गरेर कर्जाका स्किमहरू ल्याउन सुरु गरेको एक बैंकरले बताए । अहिले घरजग्गा र सेयर कर्जाको माग पनि बिस्तारै बढ्न थालेको छ ।
आर्थिक मन्दीका कारण पछिल्लो समय खराब कर्जा अनुपात बढेर गएको छ । तर, पनि बैंकहरूलाई निक्षेप बढ्दै गएपछि कर्जा प्रवाहमा दबाब परेको छ ।
राष्ट्र बैंकले पनि मौद्रिक नीतिको पहिलो त्रैमासिक समीक्षाबाट केही नीतिगत लचकता अपनाएको छ । जसबाट ब्याजदर घट्ने अपेक्षा गरिएको छ । घरकर्जा र सेयर कर्जामा जोखिमभार घटाएपछि बैंकहरूको ऋण दिने क्षमता पनि बढ्छ ।
निक्षेपको ब्याजदर घट्दै गएपछि बैंक तथा वित्तीय संस्थाको आधार दर पनि घट्दै गएको छ । पुस महिनामा अधिकांश बैंकहरूको आधारदर एकल अंकमा आएको छ । आधारदर सार्वजनिक गरेका १० वाणिज्य बैंकमध्ये आठवटाको एकल विन्दुमा झरेको छ । कुमारी बैंक र सिटिजन्स बैंकको आधारदर १० प्रतिशतभन्दा माथि देखिएको छ । नेपाल बैंक, प्रभु बैंक, ग्लोबल आईएमई बैंक, सानिमा बैंक, सिद्धार्थ बैंक, नेपाल एसबीआई बैंक, नेपाल इन्भेष्टमेन्ट बैंक र राष्ट्रिय वाणिज्य बैंकको आधारदर एकल विन्दुमा झरेको हो ।
क्याटेगोरी : बैंक बित्त बजार
ट्याग : #Page 1
ताजा अपडेट
- चार सवारी साधन एकापसमा ठोक्किए : एक जनाको मृत्यु, २२ घाइते
- १ केजी १०१ ग्राम कोकिन सहित एक महिला पक्राउ
- सिरियामा २७ प्रतिशत जनसंख्या ‘चरम गरिबी’मा
- गुजरातमा आगलागीमा परी २० जनाको मृत्य
- युक्रेनलाई साढे २७ करोड डलर सहयोग गर्ने अमेरिकाको घोषणा
- टेलिकमको कपर प्रविधिबाट सञ्चालित सेवा एफटीटीएच नेटवर्कमा स्तरोन्नति
- नयाँ बानेश्वरमा टीभीएसको नयाँ सोरुम
- २१ सय नौं बिन्दुमा खुम्चियो सेयर बजार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया