सानिमा बैंकका ग्राहकलाई नक्साल तरकारी बजारमा क्यूआर कोडबाट भुक्तानी गर्दा क्यास ब्याक

काठमाडौं । सानिमा बैंकले आफ्ना ग्राहकहरूका लागि नक्साल तरकारी बजारमा सजिलो ई–बैंकिङमार्फत क्यूआर कोडबाट भुक्तानी गर्दा क्यास ब्याकको प्राप्त गर्न सक्ने भएका छन् ।

बैंकका अनुसार यो योजना २०७८ फागुनदेखि २०७९ वैशाख मसान्तसम्मका लागि लागू हुनेछ । नक्साल तरकारी बजारमा सानिमा बैंकका ग्राहकले बैंकको मर्चेन्टसँग क्यूआर स्क्यान गरी भुक्तानी गर्दा प्रतिकारोबारमा दुई प्रतिशत वा अधिकतम २० रुपैयाँ तथा मासिक अधिकतम पाँच सय रुपैयाँसम्मको क्यास ब्याक प्राप्त गर्न सक्नेछन । क्यास ब्याकवापत रकम आगामी महिनाको पहिलो हप्ता ग्राहकको खातामा जम्मा गरिने बैंकले जानकारी दिएको छ ।

ग्राहकहरूले प्ले स्टोर वा एप स्टोरबाट सानिमा सजिलो ई–बैंकिङ एप डाउनलोड गरी नजिकैको शाखाबाट कारोबार सुचारु गर्न सक्नेछन् । बैंकको देशभर सातै प्रदेशमा गरी एक सय २३ वटा शाखा कार्यालय तथा एक सय तीन वटा एटीएम काउन्टरहरू सञ्चालनमा रहेका छन् ।