Techie IT
×
गृहपृष्ठवित्त पूँजी बजारराष्ट्रिय वाणिज्य बैंकको ‘क्यासब्याक अफर’

राष्ट्रिय वाणिज्य बैंकको ‘क्यासब्याक अफर’


काठमाडौं । राष्ट्रिय वाणिज्य बैक लिमिटेडले आउँदो दशैं, तिहार, नेपाल संवत् एवं छठलगायतका पर्वलाई मध्यनजर गर्दै विद्युतीय कारोबारलाई प्रोत्साहन गर्न प्वाइन्ट अफ सेल (पस)को माध्यमबाट प्रतिकारोबार एक हजार रुपैयाँ वा सोभन्दा बढीको कार्ड स्वाप गर्दा क्यासब्याक हुने अफर ल्याएको छ ।

यो योजना आगामी २०७९ असोज १० गते देखि २०७९ कात्तिक १३ गतेसम्म लागू हुनेछ । देशभर विभिन्न व्यवसायहरूमा रहेको पसको माध्यमबाट राष्ट्रिय वाणिज्य बैंकको कार्डबाट रा.वा.बैंककै पस मेसिन प्रयोग गरी रकम भुक्तानी गर्दा कारोबारमा क्यासब्याक हुनेछ । यसअन्तर्गत तीनदेखी पाँच पटकको कार्ड स्वामा पाँच प्रतिशत वा अधिकतम क्यासब्याक वा पाँच सय रुपैयाँ, छदेखि १० पटकको कार्ड स्वापमा १० प्रतिशत वा अधिकतम क्यासब्याक वा सात सय ५० रुपैयाँ र ११ देखि १५ पटकको कार्ड स्वापमा १५ प्रतिशत वा अधिकतम क्यासब्याक वा एक हजार रुपैयाँमध्ये जुन कम हुन्छ सोबराबरको रकम क्यासब्याक हुनेछ ।

यसैगरी आगामी २०७९ असोज ७देखि १४ गतेसम्म र २०७९ कात्तिक दुईदेखि छ गतेसम्म राष्ट्रिय वाणिज्य बैंकको मोबाइल बैंकिङ प्रयोग गरी क्यूआर कोड स्क्यान गरी भुक्तानी गर्दा कुल कारोबार रकमको १० प्रतिशत वा एक सय रुपैयाँमध्ये जुन कम हुन्छ सोही रकम क्यासब्याक हुनेछ । बैंकको हाल सातवटा प्रदेश, ७७ जिल्लामा दुई सय ६२ वटा शाखा कार्यालय, ५१ वटा एक्सटेन्सन काउन्टर, दुई सय ६८ वटा एटीएम र ९९ वटा शाखारहित बैंकिङ सेवा रहेको छ ।


क्याटेगोरी : वित्त पूँजी बजार

तपाईको प्रतिक्रिया