Techie IT
×
गृहपृष्ठवित्त पूँजी बजारसिद्धार्थ बैंकको एक करोड बीमा सुविधासहितको श्रीवृद्धि प्लस मुद्दती खाता

सिद्धार्थ बैंकको एक करोड बीमा सुविधासहितको श्रीवृद्धि प्लस मुद्दती खाता


काठमाडौं । सिद्धार्थ बैंक लिमिटेडले २०औँ वार्षिकोत्सवको उपलक्ष्यमा आकर्षक प्रतिफलका साथमा एक करोड रुपैयाँसम्मको म्यादी जीवन बीमा सुविधा प्राप्त गर्न सकिने नवीनतम मुद्दती योजना सञ्चालनमा ल्याएको छ । व्यक्तिगत ग्राहकवर्गहरूलाई लक्षित गरी ल्याइएको यो मुद्दती योजनाअन्तर्गत न्यूनतम ५० हजार रुपैयाँमा खाता खोल्न सकिनेछ ।

बैंकका अनुसार यो मुद्दती योजनामा ग्राहकवर्गहरूले निक्षेप रकमको दुई गुणासम्मको प्रतिफल प्राप्त गर्न सकिनेछ । यसका अतिरिक्त, पहिलो वर्षको लागि निःशुल्क यूएनओ क्रेडिट कार्ड सुविधा समेत प्राप्त गर्न सकिनेछ । यो मुद्दती योजनाको बीमा साझेदार महालक्ष्मी लाइफ इन्स्योरेन्स लिमिटेड रहेको छ । ग्राहकवर्गहरूले सिद्धार्थ बैंककोे सबै शाखा कार्यालयहरूबाट सहजै यो मुद्दती खाता खोल्न सकिने बैंकले जानकारी दिएको छ ।

बैंकले देशभर एक सय ९३ वटा शाखा (चारवटा एक्सटेन्सन् काउन्टरसहित), दुई सय १५ वटा एटीएम, एक सय १८ शाखारहित बैंकिङ सेवा र एक हजार आठ सयभन्दा बढी पीओएस मेसिनमार्फत उच्चस्तरीय एवं प्रविधिमैत्री बैंकिङ सेवा प्रदान गर्दै आएको छ । साथै, बैंकले आफ्नो सेवा सञ्चालनमा डिजिटल माध्यमलाई अधिकतम महत्व दिँदै सुरक्षित तरिकाले अनलाइनबाटै बचत, मुद्दती र डिम्याट खाता खोल्न सकिने, डेबिट र क्रेडिट कार्डका लागि आवेदन दिन सकिनेजस्ता विभिन्न डिजिटल बैंकिङ सुविधाहरू आफ्नो वेबसाइटमा रहेको इजी बैंक पोर्टलमार्फत समेत प्रदान गर्दै आएको छ ।


क्याटेगोरी : वित्त पूँजी बजार

तपाईको प्रतिक्रिया