मर्जरसम्बन्धी निर्णय गर्न युनाइटेड र अजोड इन्स्योरेन्सले बोलाए विशेष साधारणसभा

काठमाडौं । युनाइटेड इन्स्योरेन्स कम्पनी लिमिटेड र अजोड इन्स्योरेन्स कम्पनी लिमिटेडले एक–आपसमा गाभ्ने/गाभिनेसम्बन्धी अन्तिम निर्णय गर्नका लागि वैशाख २५ गते विशेष साधारणसभा डाकेका छन् ।

युनाइटेड इन्स्योरेन्सले काठमाडौं शंखमूलस्थित अनमोल ब्यांक्वेटमा बिहान ११ बजे र अजोड इन्स्योरेन्सले युनाइटेड वल्र्ड ट्रेड सेन्टर, त्रिपुरेश्वरमा बिहान ११ बजेका लागि विशेष साधारणसभा बोलाएका हुन् ।

दुवै साधारणसभाले मर्जरपछि युनाइटेड अजोड इन्स्योरेन्सको नामबाट एकीकृत कारोबार गर्नेगरी मर्जरका लागि सम्पूर्ण कार्य पूरा गर्न सञ्चालक समितिलाई अख्तियारी दिने निर्णय गर्नेछन् ।

अजेड इन्स्योरेन्स र युनाइटेड इन्स्योरेन्स ८२ दशमलव ५० बराबर एक
सय सेयर स्वाप अनुपातमा मर्जरमा जाने भएका हुन् । विशेष साधारणसभाका लागि अजोड इन्स्योरेन्सले वैशाख १२ गते र युनाइटेड इन्स्योरेन्सले वैशाख १३ गते सेयरधनी किताब बन्द गर्ने भएका छन् । त्यसको एक दिनअघिसम्म कायम सेयरधनीले विशेष साधारणसभामा सहभागी हुन पाउनेछन् ।