वासिड.टन, भदौ ८
कोरोना भाइरसको संक्रमण फैलिन थालेपछि उत्पन्न परिस्थितिका कारण अमेरिकामा ल्यापटपलगायतका शैक्षिक सामग्री सहजै प्राप्त गर्न समस्या भएको छ । विशेष गरेर अनलाइन कक्षा सञ्चालनका क्रममा आवश्यक पर्ने सामग्रीहरू सहजै पाउन गाह्रो भएको र पाए पनि निकै ढिलो मात्रै प्राप्त हुनेगरेको उपभोक्ताहरूले बताएका छन् । यो समस्या धेरै महिनाअघिदेखि अमेरिकाभरि नै रहेको एपीले गरेको एक अनुसन्धानले देखाएको छ ।
विश्वकै तीनवटा ठूलो कम्प्युटर कम्पनीहरू लेनोभो, एचपी र डेलले समेत अनलाइन कक्षाका लागि आवश्यक सामग्रीहरू मागअनुसार उपलब्ध गराउन नसकिएको बताएका छन् । ती कम्पनी स्रोतका अनुसार बजारमा अहिले झण्डै ५० लाख ल्यापटपको माग रहेको र त्यो मागलाई सम्बोधन गर्न कठिनाइ भइरहेको छ । अमेरिकाले चिनियाँ सामान आयातकर्तामाथि लगाएको प्रतिबन्ध पनि समस्याको चुरो भएको पनि कतिपय व्यापारीहरूको बुझाइ छ ।
क्यालिफोर्नियाको मोजाभस्थित मोरोङ्गो युनिफाइड स्कूल डिस्ट्रिक्टका सुपरिटेन्डेन्ट टोम बाउमगार्टनले भने, ‘यो अवस्था एक कलाकारलाई बिनारङ चित्र बनाउन भनेजस्तो भएको छ । कुनै पनि बच्चा कम्प्युटरबिना सामाजिक दूरी कायम गर्दै पढ्न सक्दैन ।’ उक्त विद्यालयमा सबै आठ हजार विद्यार्थीलाई निःशुल्क खाजा वितरण गरिन्छ । दूर शिक्षाको लागि उनीहरूलाई कम्प्युटर चाहिन्छ ।
उनले भने, ‘गत जुलाइमा पाँच हजार थान ‘लेनोभो क्रोमबुक्स’ को माग गर्नुभएको हो तर लेनोभोलाई निषेधित चिनियाँ सामानको प्रयोग गरेको भन्दै सरकारी निकायबाट आपूर्ति रोकियो । विकल्प दिइएको छैन ।’ उनले यसलाई एउटा प्रतिनिधिमूलक समस्याका रूपमा बताए ।
क्रोमबुक्स र अन्य निम्न मूल्यका कम्प्युटर धेरैजसो निम्न आय भएका अमेरिकी विद्यालयको छनोटमा पर्ने गर्छन् । ‘यो गाह्रो छ किनकि मैले कम्प्युटरका लागि बाल दास श्रमलाई प्रोत्साहन गर्न सक्दिनँ । के हामी प्रक्रियाको पछि दौडिँदा अधिक बच्चाहरूलाई चोट पु-याइरहेका त छैनौँ ?’ जिल्लाको उत्तर डकोटामा रहेको ‘विलिस्टन पब्लिक स्कुल’का लागि सूचना तथा प्रविधि निर्देशक म्याट बर्टनहेगनले भने । उनले पनि दुई हजार लेनोभो क्रोमबुकका लागि ‘मे’मा माग गरी आपूर्तिको पर्खाइमा रहेको बताए ।
‘उनीहरूले जुलाइमा बुझाउनुपर्ने थियो । तर अगस्टको सुरूमा बुझाउने प्रतिबद्धता आएको थियो । त्यसपछि अगस्टको अन्त्य भनियो । अहिले माग गरिएका पाठ्यसामग्रीको आपूर्ति वर्षको अन्त्यसम्ममा हुने अनुमान गरिएको छ ।’ कोलोराडोको सबैभन्दा ठूलो ‘डेनभर पब्लिक स्कुल’ले पनि अप्रिल र ‘मे’मा माग गरेका १२ हजार ५ सय ‘क्रोमबुक्स’ कहिले आउने हुन् पत्तै छैन ।
‘अनलाइन कक्षा सञ्चालनका लागि आवश्यक सामग्रीहरू पर्याप्त पाउन नसकेपछि देशभरको शैक्षिक क्षेत्रमा अर्को चिन्ता थपिएको छ भने अविभावक, विद्यार्थी, शिक्षक र विद्यालय सञ्चालकलाई टाउको दुःखाइ भएको छ । कम्प्युटरबिना विद्यार्थीहरूलाई अनलाइन कक्षा सञ्चालन गर्न सकिँदैन, तर त्यही सामग्रीको अभाव भइरहेको छ’, विद्यालयका एक व्यवस्थापकले भने ।
विद्यालयका व्यवस्थापक तथा सरोकारवालाहरूले अनलाइन कक्षा सञ्चालनका लागि अत्यावश्यक सामग्रीहरू उपलब्धताका लागि सहयोग गर्न ट्रम्प प्रशासनलाई दबाब दिएका छन् । ल्यापटपविनाको अनलाइन कक्षा अर्थहीन हुने भन्दै उनीहरूले त्यसको व्यवस्था अनिवार्य गरिदिन माग गरेका छन् ।
क्याटेगोरी : विश्व बजार
ताजा अपडेट
- व्यावसायिक चियाखेतीसँगै पर्यटन प्रवर्द्धनमा भोजपुरका रञ्जित
- क्यान्सरको जोखिम पहिचान गर्न स्वास्थ्य शिविर
- जनअपेक्षा विपरीतका गतिविधि र सङ्गठनको हित प्रतिकूलका कार्य क्षम्य हुँदैन: उपप्रधानमन्त्री लामिछाने
- नयाँ शक्ति निर्माण अभियान थप सशक्त बनाउनुपर्छ: डा.भट्टराई
- दक्षिण कोरियाले चिप्स उद्योगमा १९ अर्ब डलर खर्च गर्ने
- चीनको विद्युत् उत्पादन क्षमता १४ दशमलव एक प्रतिशत बढ्यो
- थाई एयरवेजको सेवा नेपालमा पुनः सुरु
- एमएडब्लु वृद्धिले इलेक्ट्रिक हृयाचब्याक नामी ०१ नेपालमा ल्याउने
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया