झूठा खाताको प्रमाण पेस नगरेसम्म ट्विटर किन्ने सम्झौता अड्किने मस्कको चेतावनी
अमेरिका । अर्बपति इलोन मस्कले ४४ अर्ब डलरमा ट्विटर किन्ने सहमति अड्किनसक्ने बताएका छन् । ट्विटरका झूटा खाताको प्रमाण नपाएपछि मस्कले उक्त चेतावनी दिएको बीबीसीले जनाएका छन् ।
मस्कले ट्विटरमा भनेका छन्, ‘सहमति अघि बढ्न सक्दैन जबसम्म ट्विटरले आफ्नो पाँच प्रतिशत प्रयोगकर्ता झूटा वा स्प्याम रहेको दाबीमा समर्थन गर्दैन ।’ तर ट्विटरले भने आफ्नो तथ्यांकको रक्षा गरेको छ ।
यो विवादसँगै ट्विटर किनबेच नै नहुने हो कि भन्ने आशंका पैदा भएको छ । विश्लेषकहरुले भने मस्कले ट्विटरको सहमतिको पुनरवलोकन खोजेको हुनसक्ने बताएका छन् । उनी यो सहमतिबाट हिँड्नसक्नेतर्फ पनि उनीहरुको संकेत छ ।
मस्कले अप्रिलमा ट्विटरको बोर्डसँग ४४ अर्ब अमेरिकी डलरमा किन्ने सहमति गरेका थिए । तर गत हप्ता उनले सहमति अड्किएको र आफू ट्विटरको झूटा खाताबारे गम्भीर भएको बताए । उनले निरन्तरको ट्विटमा यो मुद्दालाई उठाइरहेका छन् । यसले उनी यसअघि भनेभन्दा कम मूल्यमा ट्विटर किन्न चाहिरहेको संकेत गर्छ ।
मंगलबार मात्रै मस्कले ट्विटरका प्रमुख कार्यकारी अधिकृत पराग अग्रवालले सार्वजनिक रुपमा आफूले मागेको प्रमाण दिन अस्वीकार गरेको र उनले ट्विटरमा पाँच प्रतिशतभन्दा कम खातामात्रै झूटा रहेकोले किन्ने सहमति अघि बढ्न अग्रवालले यसबारे प्रमाण दिनुपर्ने उल्लेख गरेका थिए ।
मस्कको उक्त ट्विट पछि डिलेट गरिएको थियो । मस्क टेस्लाका प्रमुख कार्यकारी समेत हुन् । उनले ट्विटरमा २० प्रतिशत वा सोभन्दा धेरै खाताहरु बढी रहेको हुनसक्ने बताउँदै आएका छन् ।
क्याटेगोरी : विश्व बजार
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया