प्रदेश सरकारले करोडौँ खर्चेर किनेको बस चारवटा कार्यालयलाई बाँड्ने
बटुकनाथ झा २०७८, फागुन २५ ११:२३ 
जनकपुरधाम । करिब एक वर्ष पहिला आफैँले सञ्चालन गर्नेगरी करोडौँ रूपैयाँ खर्चेर किनेको पाँचवटा बस मधेश प्रदेश सरकारले अब नचलाउने भएको छ । प्रदेश सरकारले उक्त बसलाई आफूले सञ्चालन नगरी अन्य कार्यालय दिने निर्णय गरेको हो ।
विनामापदण्ड तत्कालीन भौतिक पूर्वाधार विकास मन्त्री जितेन्द्र सोनलको २०७७ सालको धनतेरसका दिन तीन करोड ३९ लाख ९० हजार रूपैयाँमा उक्त बस खरिद गरेका थिए । बस खरिद भएपनि त्यसलाई कसरी सञ्चालन गर्ने विषयमा खासै काम भएको थिएन । बस सञ्चालन गर्ने मापदण्ड तयार नभएपछि एक वर्षसम्म बस यतिकै थन्किएर बसेका थिए । उक्त बसलाई सञ्चालन गर्न मंगलबार बसेको प्रदेश सरकारको मन्त्रिपरिषद्को बैठकले चारवटा संस्थाहरूलाई दिने निर्णय गरेको सरकारका प्रवक्ता एवं अर्थमन्त्री शैलेन्द्र प्रसाद साहले जानकारी दिए । बैठकले मधेश स्वास्थ्य विज्ञान प्रतिष्ठानलाई दुईवटा, कृषि विश्वविद्यालय, कृषि तालिम केन्द्र धनुषा र प्रदेश प्रशिक्षण केन्द्रलाई एक/एकवटा बस सञ्चालनका लागि दिने निर्णय गरेको हो ।
सर्वसाधारणको सहजताका लागि सार्वजनिक यातायात सञ्चालन गर्न किनिएको बस सञ्चालन गर्न नसक्नु मधेश प्रदेश सरकारको ठूलो असफलता भएको सरोकारवालाहरूको भनाइ छ । मुख्यमन्त्री लालबाबु राउतकै नेतृत्वको मन्त्रीमण्डलले प्रदेशवासीलाई राजधानी जनकपुर आउन सजिलो हुने भन्दै जनकपुरधामबाट वीरगञ्ज र राजविराजसम्म बस सञ्चालन गर्नेगरी उक्त बस खरिद गर्ने निर्णय गरेको थियो ।
प्रदेश सरकारले आफ्नै निर्णयविपरीत उक्त बस अन्य संस्थालाई वितराण गरेको हो । प्रदेश सरकारका प्रवक्ता मन्त्री साहले बस सञ्चालन गर्दा खर्च बढ्ने, कर्मचारीहरूको व्यवस्था गर्न समस्या हुने भएकोले सरकार आफैले बस संचालन गर्न नसकेको बताए । बस सञ्चालन गर्न लाग्ने रकमले धेरै पूर्वाधारको विकास गर्न सकिने देखिएको उनको दाबी छ । यस्तै मन्त्रिपरिषद्को बैठकले लहानमा रहेको यातायात व्यवस्था कार्यालयको सेवालाई विस्तार गरेर राजविराजमा समेत खोल्ने र युवा स्वरोजगार उद्योग कार्यक्रमको कार्यविधिलाई स्वीकृति प्रदान गर्ने निर्णय समेत गरेको छ ।
क्याटेगोरी : नेपाल
ताजा अपडेट
- सार्वजनिक जग्गा व्यक्तिका नाममा बनाउने विरुद्ध मुद्दा दायर
- सहमतिका साथ अघि बढ्न उपप्रधानमन्त्री लामिछानेको आह्वान
- प्रहरी जवान घिमिरेको हत्या आरोपमा सात जना पक्राउ
- राष्ट्रियसभाको बैठक स्थगित
- उदयपुरमा हावाहुरीले करोडौँको क्षति
- मेची भन्सारद्वारा एघार अर्ब ५९ करोड राजस्व सङ्कलन
- कामपामा न्यायसंवाद कार्यक्रम सुरु
- सेयर बजारमा देखियो उछाल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया