मेलम्ची र हेलम्बु बाढीप्रभावित क्षेत्रमा चार करोड रकम विनियोजन
दिपक खत्री २०७८, फागुन २६ ११:४७ 
सिन्धुपाल्चोक । मेलम्ची र हेलम्बु क्षेत्रमा आएको बाढीबाट प्रभावित क्षेत्रको संरक्षणका लागि बागमती प्रदेश सरकारको आर्थिक मामिला तथा योजना मन्त्रालयले पहिलो चरणमा चार करोड रकम विनियोजन गरेकोे छ । भू तथा जलाधार संरक्षण कार्यक्रमअन्तर्गत मन्त्रालयले तत्काल चार करोड रकम स्वीकृत गरेको हो ।
प्रस्तावित ११ करोडमध्ये बाँकी सात करोड रकम पनि चालू आर्थिक वर्षमा नै स्वीकृत भई कार्यान्वयनमा आउने बागमती प्रदेशका पूर्वमन्त्री तथा प्रदेशसभा सदस्य युवराज दुलालले बताए । मेलम्ची÷ इन्द्रावती नदि नियन्त्रण तथा बस्ती संरक्षणका लागि पहिलो चरणमा पाँचपोखरी, हेलम्बुदेखि ढाँडखोलासम्म ३१ वटा योजना समावेशसहित चार करोड विनियोजन भएकोमा बाढीप्रभवित सिपी दुलालले खुशी व्यक्त गरे । गत पुस २६ गते पूर्वमन्त्री तथा बागमती प्रदेशसभा सदस्य युवराज दुलालले सिन्धुपाल्चोकको मेलम्ची र हेलम्बु क्षेत्रमा आएको बाढीबाट प्रभावितको तत्कालीन र दीर्घकालीन योजनाको बारेमा बागमती प्रदेश सरकारको ध्यानाकर्षण गराएका थिए ।
प्रदेश सरकार सञ्चालन संयोजक समेत रहेका दुलालले मुख्यमन्त्री राजेन्द्र पाण्डे र अर्थमन्त्री शालिकराम जमरकट्टेलसँग यहाँको अस्थायी संरक्षण र दीर्घकालीन योजनाका बारेमा छलफल गरेका थिए । मन्त्रालयले रकम विनियोजन गरेपछि अब मेलम्ची नगरपालिका र हेलम्बु गाउँपालिकाका अधिकांश क्षेत्रमा बाढीले पु-याएको प्रभावित क्षेत्रको संरक्षणको काम सुरु गरिने बताइएको छ ।
क्याटेगोरी : नेपाल
ताजा अपडेट
- सार्वजनिक जग्गा व्यक्तिका नाममा बनाउने विरुद्ध मुद्दा दायर
- सहमतिका साथ अघि बढ्न उपप्रधानमन्त्री लामिछानेको आह्वान
- प्रहरी जवान घिमिरेको हत्या आरोपमा सात जना पक्राउ
- राष्ट्रियसभाको बैठक स्थगित
- उदयपुरमा हावाहुरीले करोडौँको क्षति
- मेची भन्सारद्वारा एघार अर्ब ५९ करोड राजस्व सङ्कलन
- कामपामा न्यायसंवाद कार्यक्रम सुरु
- सेयर बजारमा देखियो उछाल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया