सीआईबीद्धारा बैंकिङ कसुरका फरार अभियुुक्त शाह पक्राउ
काठमाडौं ।
केन्द्रीय अनुसन्धान ब्युरो (सीआईबी)ले बैैंकिङ कसुर मुुद्दाका फरार अभियुक्त सूर्यप्रसाद साहलाई पक्राउ गरेको छ । सीआईबीका प्रवक्ता प्रहरी उपरीक्षक वेल बहादुर पाण्डेका अनुसार सप्तरीको वलान बिहुुल गाउँपालिका वडा नम्बर ५ रामनगर घर भएका ३२ वर्षीय साहलाई सोमबार काठमाडौंको बानेश्वरस्थित भेनस अस्पताल अगाडिबाट पक्राउ गरिएको हो ।
प्रवक्ता पाण्डेका अनुसार काठमाडौं विश्वविद्यालय स्कुुल अफ मेडिकल साइन्सेजमा एमबीबीएस गर्दा लाग्ने नेपाल सरकारले तोकेको रकममध्ये प्रथम किस्ता बापतको रकम १३ लाख ४१ हजार रुपैयाँ काठमाडौं विश्वविद्यालयको नेपाल इन्भेष्टमेन्ट बैंक बनेपा काभ्रेपलाञ्चोकमा रहेको खातामा जम्मा गर्नुपर्नेमा साहले महालक्ष्मी विकास बैंक बानेश्वर शाखाको चेक नम्बर भी ००९४०० ५१९३ को चेक भुक्तानीको लागि काठमाडौं विश्वविद्यालयको खाता रहेको नेपाल इन्भेष्टमेन्ट बैंकको बनेपा शाखामा दिएका थिए । सो चेकमा पर्याप्त रकम मौज्दात नरहेको भनी बैंकबाट चेक बाउन्स भएको भनी फिर्ता भएकाले काठमाडौं विश्वविद्यालयले उक्त चेक बाउन्स भएको सम्बन्धमा बैंकिङ कसुर शीर्षकमा जिल्ला प्रहरी कार्यालय धुलिखेलमा कसुर मुुद्दा दर्ता गराएको प्रवक्ता पाण्डेले जानकारी दिए ।
सो लगत्तै फरार रहेका प्रतिवादी साहलाई पक्राउ गरी दाखिला गरिदिन जिल्ला प्रहरी कार्यालय धुलिखेलबाट आएको पत्रअनुसार साहलाई पक्राउ गरी थप कारबाही तथा अनुसन्धानको लागि सोमबार नै जिल्ला प्रहरी कार्यालय धुलिखेल पठाएको प्रवक्ता पाण्डेले बताए ।
नगद १६ लाख रुपैयाँसहित हुण्डी कारोबारी पक्राउ : नगद १६ लाख रुपैयाँसहित हुण्डी कारोबारी पक्राउ परेका छन् । जिल्ला प्रहरी कार्यालय पर्साले चेकजाँचको क्रममा भारत पूर्वी चम्पारण रक्सौल बस्ने वर्ष ५० को कृष्ण कुमार जैनको साथबाट स्रोत खुल्न नसकेको नेपाली रुपैयाँ १६ फेला पारी सो नगद र मोटरसाइकलसहित निजलाई पक्राउ गरेको हो ।
विशेष सूचनाको आधारमा अवैध वित्तीय कारोबार (हुण्डी) भइरहेको सूचनापछि कार्यालयबाट खटिएको प्रहरी टोलीले आइतबार दिउँसो पर्सा वीरगञ्ज म.न.पा.वडा नं.७ माईस्थामा ना.६४प ९०५६ नम्बरको मोटरसाइकल चालकलाई रोकी चेकजाँच गर्दा भारत पूर्वी चम्पारण रक्सौल बस्ने जैन पक्राउ परेका हुन् । पक्राउ परेका जैनलाई नगद र मोटरसाइकलसहित नियन्त्रणमा लिई बैंक तथा वित्तीय ऐनसम्बन्धी कसुर शीर्षकमा म्याद थप गरी अनुसन्धान भइरहेको जिल्ला प्रहरी कार्यालय पर्साले जानकारी दिएको छ ।
क्याटेगोरी : समाचार
ताजा अपडेट
- रामगीता वाङ्मय मन्दिर अमेरिका–नेपालद्धारा तीन स्रष्टालाई एकसाथ पुरस्कृत
- ज्ञानेश्वरको ६ रोपनी सरकारी जग्गा बानिता अग्रवालले कसरी गरिन् कब्जा ?
- आज विश्व प्रेस स्वतन्त्रता दिवस
- देशमा पश्चिमी र स्थानीय वायुको प्रभाव कायमै
- सञ्चारमन्त्री शर्माद्वारा सार्वजनिक सेवा प्रसारणसम्बन्धी विधेयक अघि बढाउन आग्रह
- प्रधानमन्त्रीसँग संयुक्त राष्ट्रसङ्घका सहायक महासचिवको शिष्टाचार भेट
- पंक्षी संरक्षणमा क्रियाशील राजु आचार्य पुरस्कृत
- अप्रिलमा नेपाल भित्रने पर्यटक १२ दशमलव ७५ प्रतिशतले बढे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया