काठमाडौं, माघ ९
नेपाल एसोसिएसन अफ टुुर एण्ड ट्राभल एजेन्ट (नाट्टा)को गत ३ गते भएको निर्वाचनमा नेकपा समर्थित उम्मेदवारलाई अन्तर्घात गरेर हराइएको भनी नेकपासम्बद्ध कमिटीहरुले छानबिन थालेको छ । नेकपाको पर्यटन व्यवसायीसम्बद्ध सीताराम सापकोटा र मदन आचार्यले नेतृत्व गरेका संगठनहरु र मुुकुुन्द न्यौपाने नेतृत्वको पर्यटन विभागले छुट्टाछुुट्टै रुपमा छानबिन सुरु गरेका छन् । नाट्टाको चुनावमा ४ सय ९८ जना मतदाता रहेका थिए । त्यसमध्ये ४ सय ५ भोट खसेको थियो ।
नाट्टाको १५ सदस्यीय समितिमा नेकपाका उम्मेदवारले वरिष्ठ उपाध्यक्ष, महासचिव, सचिव, सहकोषाध्यक्षलगायत दश पदमा विजय हासिल गरे पनि पार्टी कमिटीभित्र सर्वसम्मतरुपमा अध्यक्ष पदका लागि प्रस्तावित भीम पन्त र कोषाध्यक्ष पदका हरिभक्त श्रेष्ठले निर्वाचन हारेपछि नेकपा सम्बद्ध कमिटीले अन्तर्घात भएको निष्कर्ष निकालेर छानबिन थालेको हो । निर्वाचनमा अच्युुत गुरागाईंले १ सय ५० मत पाएर चुुनाव जितेका थिए । नेकपा उम्मेदवार भीम पन्तले १ सय २६ मत मात्र प्राप्त गरेका थिए । स्वतन्त्र उम्मेदवार मिहिका धाख्वाले १ सय ९ मत प्राप्त गरेकी थिइन् ।
नाट्टामा नेकपा समर्थक मत नै दुई सयभन्दा बढी छ । तर निर्वाचनमा पार्टी समर्थित उम्मेदवारले १ सय २६ मत प्राप्त गरेर पनि पराजित भएपछि अन्तर्घाती खोज्न थालिएको हो । यसअघि नेकपा समर्थित सीएन पाण्डे अध्यक्ष पदमा निर्वाचित भएका थिए । डलरकाण्डदेखि वाइडबडी काण्डसम्ममा मुछिएका सीएन पाण्डे र मुुक्ति पाण्डेका दाजुुभाइले नै पार्टी समर्थित उम्मेदवारविरुद्ध अन्तर्घात गरेकाले दश पद जित्दा पनि अध्यक्ष र कोषाध्यक्ष पद गुमाउनुुपरेको थाहा भएको छ ।
क्याटेगोरी : समाचार
ताजा अपडेट
- साढे चार प्रतिशतको आर्थिक वृद्धिदर हासिल गर्छौं : अर्थमन्त्री पुन
- श्रमिकको सीपमा लगानी गर्नुपर्छ स् श्रममन्त्री अर्याल
- नेपाल वेस्ट इन्डिज ‘ए’सँग पराजित
- बौद्धिक जनशक्तिको पलायन रोक्न स्वदेशमा रोजगारी उपलब्ध गराइने
- ‘डढेलो नियन्त्रणको ज्ञान नहुँदा ज्यानै गयो’
- आगामी बजेटमा आमसञ्चारको धारणा समेट्दै सञ्चार मन्त्रालय
- श्रम मन्त्रालयद्वारा ‘श्रमदान’ अभियानको घोषणा
- श्रम क्षेत्रका विभेद हटाउन नीतिगत सुधार आवश्यक छ: अध्यक्ष नेपाल
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया