हामी नेपाली ग्लोबल युएसएमा केसी

न्युयोर्क । विश्वभरि जहाँ जहाँ नेपाली बसेका छन् त्यहाँ त्यहाँ संस्था स्थापना गरी नेपालीहरु एक आपसमा नजिक भई, संगठित भई नेपाललाई चिनाउने र नेपाली कला र संस्कृतिको प्रवन्ध र प्रचार प्रसार गर्नका लागि स्थापना गरेको संस्था हामी नेपाली ग्लोबल युएसए च्याप्टरकोे दोस्रो महाधिवेसन न्युयोर्कमा सम्पन्न भएको छ ।

न्युयोर्कको ज्याक्सन हाइटस्थित नेपाली भान्साघरमा सम्पन्न उक्त महाधिवेसनले सर्वसम्मतिबाट न्युयोर्कका चर्चित समाजसेवी बीरेन्द्रजंग केसीको अध्यक्षतामा १९ सदस्यीय नयाँ कार्यसमिति गठन गरेको छ । तीन जना उपाध्यक्ष, महासचिव, सचिव, कोषाध्यक्ष, सहकोषाध्यक्षलगायत ११ जना वोर्ड सदस्य गरी १९ जनाको नयाँ कार्य समिति गठन गरिएको हो ।

स्याङ्जा समाज अमेरिकाका संस्थापक अध्यक्ष भई दुई कार्यकाल चलाई एनआरएनको सल्लाहकारलगायत विभिन्न सामाजिक कार्यमा संलग्न भई अनुभव बटुलेका बीरेन्द्रजंग केसीले आफ्नो कार्यकाल बोर्डका सदस्यहरुलगायत न्युयोर्कमा रहेका विभिन्न संघ संस्थाहरुसित सरसल्लाह र हातेमालो गरी नेपाललाई चिनाउने र नेपाली सामानहरु अमेरिकाको बजारमा कसरी बिक्री गरिने, कला र संस्कृतिको प्रचार र सम्वद्र्धन गर्ने भन्नेबारे सरसल्लाह गरी अगाडि बढ्ने कुरा बताए ।

कार्यक्रममा न्युयोर्क सिटीका मेयरका सल्लाहकार तथा राजनीतिज्ञ नवराज केसीलगायतले नवनिर्वाचित पदाधिकारीहरुलाई बधाई ज्ञापन गरेका थिए ।