नयाँ कानुनविरुद्ध किसानले गरे भारत बन्द
नयाँ दिल्ली ।
सरकारसँग तनाव चर्किँदै गर्दा भारतीय किसानहरु देशव्यापी बन्द र हडतालमा उत्रिएका छन् । नयाँ फार्म कानुनको विरोध गर्दै आएका उनीहरुले सरकारसँगको तीनवटा वार्ता असफल भएपछि मंगलबार भारत बन्द गरेका हुन् । किसानहरुले नयाँ कानुन किसानविरोधी भएको आरोप लगाउँदै आएका छन् । बुधबार पुनः अर्को चरणको वार्ता हुँदै छ । दिल्लीका मुख्यमन्त्री अरविन्द केजरिवालले किसानहरुको विरोधस्थलमा गएपछि आफूलाई घरमै नजरबन्द गरिएको बताएका छन् ।
‘कसैलाई पनि घर बाहिर जान वा घर जान दिइएको छैन’, केजरिवालको आम आदमी पार्टीले एक वक्तव्यमा भनेको छ । तर दिल्ली प्रहरीले भने तनाव नहोस् भनेर सुरक्षा सतर्कता बढाइएको भन्दै त्यसको खण्डन गरेको बताइएको छ । कम्तीमा पनि १५ विपक्षी दलहरुले किसानको भारत बन्दमा ऐक्यबद्धता जनाएका छन् । दशौँ हजार भारतीय किसानले विगत १२ दिनयता दिल्ली छिर्ने नाकाबन्द गर्दै आएका छन् ।
तर केन्द्रीय सत्ता सम्हालेको भारतीय जनता पार्टीले भने फार्मिङमा निजी क्षेत्रलाई ठूलो भूमिका प्रदान गर्ने नयाँ कानुनले किसानको आयमा कुनै चोट नपु¥याउने दाबी गर्दै आएको छ । किसानहरु यसलाई मानिरहेका छैनन् । बितेका हप्तामा दिल्लीमा किसानहरुले विरोध प्रदर्शन चर्काइरहेका छन् । प्रहरीले उनीहरुलाई केन्द्रीय राजधानी छिर्न दिएको छैन ।
विरोध प्रदर्शन गर्ने अधिकांश किसान पन्जाब र हरियाणा राज्यका छन् । दुई राज्य कृषिका लागि विशेष महत्वका छन् । किसानहरुले नयाँ कानुन फिर्ता गर्न दबाब दिइरहेका छन् । क्याम्प बनाएर उनीहरु विरोध प्रदर्शनमा उत्रिएका छन् । कोरोना महामारीले चपेटामा पारेको बेला भारतीय किसानहरु विरोध प्रदर्शनमा उत्रिएका हुन् ।
भारतमा कोरोना संक्रमण घटिरहे पनि दिल्लीमा संक्रमित संख्या उच्च दरमा बढिरहेको छ । फर्मसम्बन्धी प्रस्तावित कानुनको विधेयक संसदमा गत सेप्टेम्बरमा पपारित भएको थियो । सो क्रममा विपक्षी दलका ८ सदस्यलाई निलम्बन समेत गरिएको थियो । नयाँ कानुनअनुसार फार्म उत्पादनको बिक्री, मूल्य निर्धारण र भण्डारणसम्बन्धी नियम खुकुलो पार्छ । यही नियमले भारतीय किसानलाई दशकौँदेखि सुरक्षित बजार दिएको थियो । तर अब निजी क्षेत्रका सुपरमार्केट, ग्रोसरीहरुले बजारमा खेल्न पाउने भएकाले किसानहरु विरोधमा उत्रिएका हुन् ।
क्याटेगोरी : विश्व बजार
ताजा अपडेट
- सञ्चारमन्त्री शर्माद्वारा सार्वजनिक सेवा प्रसारणसम्बन्धी विधेयक अघि बढाउन आग्रह
- प्रधानमन्त्रीसँग संयुक्त राष्ट्रसङ्घका सहायक महासचिवको शिष्टाचार भेट
- पंक्षी संरक्षणमा क्रियाशील राजु आचार्य पुरस्कृत
- अप्रिलमा नेपाल भित्रने पर्यटक १२ दशमलव ७५ प्रतिशतले बढे
- कैदीबन्दीको कैद मिनाहा माफीमा कुनै किसिमको विभेद हुनुहुँदैन: गृहमन्त्री लामिछाने
- रेसुङ्गा धार्मिक तथा प्राकृतिक पर्यटनका लागि निकै सम्भावना बोकेको क्षेत्र: प्रधानमन्त्री
- वेस्ट इन्डिज ‘ए’लाई टी–ट्वान्टी शृङ्खलाको उपाधि
- पोखरामा किसान पाठशाला सञ्चालन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया