राजस्व अनुसन्धानद्वारा तीन कम्पनीविरुद्ध मुद्दा
काठमाडौँ ।
राजस्व अनुसन्धान विभाग हरिहर भवन पुल्चोकले तीनवटा कम्पनीविरुद्ध मुुद्दा दर्ता गरेको छ । विभागका अनुसार झूटो तथा नक्कली मूल्यअभिवृद्धि करबीजक प्रयोग गरी तथा सामानको गलत विवरण घोषणा गरी राजस्व चुहावट गरेको कसुरमा तीनवटा फर्महरूका प्रोपाइटर तथा मुख्य अभियुक्तहरूबाट १९ करोड ९६ लाख रुपैयाँ बिगोसहित मुुद्दा दर्ता गरिएको हो ।
यसअन्तर्गत ललितपुर महानगरपालिका वडा नम्बर २ सानेपा बस्ने कविला सप्लायर्स सेन्टरका प्रोपाइटर नवलकिशोर चौधरीबाट दुुई करोड १४ लाख ३० हजार दुुई सय ३८ रुपैयाँ, धनुषा जिल्ला जनकपुर उपमहानगरपालिका स्थायी ठेगाना भई हाल ललितपुर जिल्ला ललितपुर महानगरपालीका वडा नम्बर २ सानेपा बस्ने शिवम् प्याकेजिङ एण्ड सप्लायर्स प्रालिका प्रोपाइटर सीतादेवी जयसवालबाट पाँच करोड ९९ लाख ६५ हजार नौ सय १९ रुपैयाँ र रौतहट जिल्ला, स्थायी ठेगाना भई हाल काठमाडौं जिल्ला कागेश्वरी मनोहरा नगरपालिका वडा नम्बर ९ काँडाघारी बस्ने जय श्रीगौतम सप्लायर्सका प्रोपाइटर मुकेश प्रसाद चौधरीबाट पाँच करोड ३२ लाख १६ हजार एक सय ८८ रुपैयाँ समेत गरी १३ करोड ४५ लाख १२ हजार तीन सय ४५ रुपैयाँ बिगो असुल गरी जरिवाना एवं मागदाबी लिई पुुस ५ गते उच्च अदालत पाटनमा मुद्दा दर्ता गरेको विभागले जानकारी दिएको छ ।
नक्कली भ्याट बिल प्रयोग गर्ने बाराको बुनियाबाद गा.पा.१ स्थित शिवम ट्रेडर्स एण्ड सप्लायर्सका प्रोपाइटर जगदिश सहनी मलाह समेत सात जनाबाट चार करोड ७९ लाख ६९ हजार चार सय ४७ रुपैयाँ बिगो असुल गरी जरिवाना र कैद मागदाबी लिई पुुस १ गते उच्च अदालत पाटनमा मुुद्दा दर्ता गरिएको छ । यसैगरी कास्की जिल्ला, पोखरा म.न.पा २२ स्थित अनुस्का मल्टिप्रपोज कम्पनीका प्रोपाइटर शिवलाल तिमल्सिना समेत तीन जनाबाट एक करोड ८२ लाख ५३ हजार चार सय ६१ रुपैयाँ बिगो असुल गरी जरिवाना र कैद मागदाबी लिई पुस ५ गते उच्च अदालत जनकपुर अस्थायी इजलास वीरगञ्जमा मुद्दा दर्ता विभागले जानकारी दिएको छ ।
क्याटेगोरी : समाचार
ताजा अपडेट
- फाइनल प्रवेशका लागि रियल र बार्यन भिड्दै
- बुढ्यौलीमा चोटसँग जुधेर खेलिरहेका धोनी
- प्रमुख प्रतिपक्षीले उठाएका विषयवस्तुप्रति सरकारले बेवास्ता गरिरहेको छ – प्रमुख सचेतक लेखक
- सहकारीमा दोस्रो तहको नियामक अतिआवश्यक :पूर्वअर्थमन्त्री खतिवडा
- मेची भन्सारद्वारा ११ अर्ब ३२ करोडभन्दा बढी राजश्व संकलन
- यी हुन आज शेयर बजारबाट सबैभन्दा धेरै कमाउने दश कम्पनी
- औद्योगिक विकासतर्फ अग्रसर हुन घरेलु उद्यमशीलतालाई बढावा दिन जरुरी छ: राष्ट्रपति पौडेल
- सिन्धुली चियाबारी–खुर्कोट सुरुङ मार्ग निर्माण थालनी गर्न प्रधानमन्त्रीसँग माग
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया