इरान–अमेरिका तनावले खाडी देशका सेयरबजार ओर्लिए
दुबई, पुस २१
गत शुक्रबार अमेरिकी सेनाको कारबाहीमा इरानी कुद्स सेनाका प्रमुख कमान्डर मारिएपछि बढेको इरान–अमेरिकाको तनावसँगै खाडी देशका सेयरबजार ओरालो लागेका छन् । आइतबार कुवेती र साउदी सेयरबजारमा गिरावट आएको छ । शुक्रबार इरानी कमान्डरलाई अमेरिकी सेनाले इराकको बग्दादमा ड्रोनबाट रकेट आक्रमण गरी मारिदिएपछि यस क्षेत्र अहिले अशान्त अवस्थामा छ ।
रोयटर्सका अनुसार सोही कारण ठूलो तेल उत्पादनकर्ता साउदी अराम्कोको सेयर आईपीओ जारी भएयताकै न्यूनविन्दुमा झरेको छ । कम्पनीको सेयर १.७ प्रतिशतले घटेको हो । गत महिना प्रथम सार्वजनिक निष्काशन गरेको कम्पनीको सेयर प्रतिकित्ता ३४.५५ रियाल पुगेको छ । इरानी सेनाको विदेश हेर्ने महत्वपूर्ण जिम्मेवारी पाएका कासिम सुलेमानीको मृत्युसँगै इरानले अमेरिकाविरुद्ध बदलाको धम्की सुरु गरेका कारण खाडी क्षेत्र थप अस्थिर बनेको अन्तर्राष्ट्रिय मिडियाले जनाएका छन् ।
सोही कारण कुवेती सेयरबजार पनि ४.१ प्रतिशतले घटेको छ भने साउदी सेयरबजारमा २.२ प्रतिशतको गिरावट देखिएको छ । दुवईको सेयरबजार पनि ३.१ प्रतिशतले घट्दा पोपर्टी फर्म एमार प्रोपर्टीको सेयर ३.७ प्रतिशतले घटेको छ । त्यस्तै आबुधाबी सूचक पनि १.४१ प्रतिशतले गिरावट भएको छ । त्यस्तै बैंकहरुको सेयर पनि घटेको छ । अल राझी बैंकको सेयर २ प्रतिशतले घट्दा साम्बा फाइनान्सियल ग्रुपको ३ प्रतिशतले गिरावट आएको छ । पछिल्लो तनावले विश्वबजारमा तेल, सुनलगायतका वस्तुमा मूल्य वृद्धि हुनसक्नेछ ।
क्याटेगोरी : विश्व बजार
ताजा अपडेट
- जसपा नेपालले कानुनी उपचार खोज्ने
- जुम्लामा भीरबाट लडेर ७० भेडा मरे
- सहकारीले बैङ्कभन्दा ठूलो कारोबार गर्दा समस्या आयो : मन्त्री अधिकारी
- बैंकभन्दा ठूलो कारोबार गर्दा सहकारीमा समस्या आयो : मन्त्री अधिकारी
- चिनीको मूल्यमा स्थिरता कायम गर्न मन्त्री भण्डारीसमक्ष रास्वपाको माग
- प्रा. पोखरेल त्रिवि पत्रकारिता विभागको प्रमुखमा
- दुई दशमलव शुन्य छ अंकले उक्लियो सेयर बजार
- जतिसक्दो चाँडो सञ्चारसम्बन्धी ऐन ल्याउने तयारीमा सरकार: सञ्चारमन्त्री
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया