पाकिस्तानमा औद्योगिक पार्क बनाउन १५ करोड डलर लगानी गर्दै चिनियाँ कम्पनी
इस्लामावाद ।
एक चिनियाँ कम्पनीले लाहोर र कासुरबीचको सीमामा औद्योगिक पार्क बनाउने भएको छ । पाकिस्तानी मिडियाहरुका अनुसार शांघाईमा रहेको चिनियाँ कम्पनीले पाकिस्तानबाट अमेरिका, युरोप, एसिया प्रशान्त र अन्य क्षेत्रमा गार्मेन्ट उत्पादनलगायत निर्यात गर्ने गरी औद्योगिक पार्क निर्माण गर्ने योजना बनाएको हो ।
यसको लागत १५ करोड अमेरिकी डलर हुने बताइएको छ । चिनियाँ कम्पनी च्यालेन्जले अघि सारेको यो योजना पाकिस्तानमा निर्यात उद्योगमा हुने पहिलो प्रत्यक्ष वैदेशिक लगानी हुनेछ । लाहोरमा सन् २०१७ देखि नै कम्पनपीले गार्मेन्ट उत्पादन युनिट सञ्चालन गरिरहेको छ । गत वर्ष ४ करोड ४० लाख डलरको निर्यात राजस्व कम्पनीले संकलन गरेको थियो ।
यो आर्थिक वर्षमा करिब साढे पाँच करोड डलरसम्मको निर्यात राजस्व संकलन हुने अनुमान गरेको च्यालेन्जले जनाएको छ । च्यालेन्ज फेसन इन्डस्ट्रियल पार्क अर्को वर्ष जुलाईदेखि सञ्चालनमा आउनेछ । यसबाट पहिलो वर्ष १२ करोड डलरको र त्यसपछिका वर्षमा वर्षेनी ४० करोड डलरको निर्यात हुनसक्नेछ ।
गत वर्ष ठूलो पाकिस्तानी कपडा निर्यात कम्पनीले ३० करोड डलरभन्दा कमको निर्यात गरेको थियो । यो पार्कबाट निर्यात गर्ने प्रमुख लक्ष्य राखिएको कम्पनीले जनाएको छ । अहिले उक्त कम्पनीले तीन हजार जनालाई रोजगारी दिएको छ । जसमा २८ जना चिनियाँ छन् । यसबाहेक पार्क पूर्णरुपमा सञ्चालन हुँदा १० देखि ११ हजार जनाले रोजगारी पाउनेछन् ।
च्यालेन्जले चीनबाट १५ करोड डलरको निर्यात गर्छ । चीनमा यसले बनाएका गार्मेन्टको औसत मूल्य २० अमेरिकी डलर छ । यसको तुलनामा लाहोरमा बन्ने गार्मेन्टको औसत मूल्य ८ देखि ९ अमेरिकी डलरमात्रै हुनेछ । जुन पाकिस्तानी गार्मेन्टको भन्दा दोब्बरजस्तै हुनेछ ।
क्याटेगोरी : विश्व बजार
ताजा अपडेट
- अप्रिलमा नेपाल भित्रने पर्यटक १२ दशमलव ७५ प्रतिशतले बढे
- कैदीबन्दीको कैद मिनाहा माफीमा कुनै किसिमको विभेद हुनुहुँदैन: गृहमन्त्री लामिछाने
- रेसुङ्गा धार्मिक तथा प्राकृतिक पर्यटनका लागि निकै सम्भावना बोकेको क्षेत्र: प्रधानमन्त्री
- वेस्ट इन्डिज ‘ए’लाई टी–ट्वान्टी शृङ्खलाको उपाधि
- पोखरामा किसान पाठशाला सञ्चालन
- १९ सय ९८ बिन्दुमा खुम्चियो सेयर बजार
- आइजिपी कुँवर र इन्डोनेसियन नेशनल प्रहरीका हेड अफ इन्टरनेशनल रिलेसन्स् डिभिजन प्रमुखबीच शिष्टाचार भेटघाट
- अनुदानमा उन्नत जातका भैँसी वितरण
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया