हरेक घरमा एउटा हवाइजहाज हुने अमेरिकाको अनौठो गाउँ !
अमेरिका ।
संयुक्त राज्य अमेरिकामा यस्ता गाउँ छन् जहाँको हरेक घरमा एउटा हवाइजहाज हुन्छ । सुन्दा पत्याउनै मुस्किल पर्ने तर कटु सत्य हो यो । त्यो गाउँ हो अमेरिकाको रेसिडेन्सल एयरपार्क । यसलाई फ्लाई इन कम्युनिटीका रुपमा पनि चिनिन्छ । एक वा त्योभन्दा धेरै घरसँगै जोडिएका रनवेहरु र फराकिला बाटा भएको यो गाउँ धेरै सुविधासम्पन्न छ ।
दोस्रो विश्वयुद्ध सकिएसँगै अमेरिकामा यस्ता गाउँहरु विकास भएको पाइन्छ । र, अहिलेसम्म पनि यस्ता गाउँहरु कायमै छन् । रेसिडेन्सल एयरपार्कमा सामान्यतया निजी स्वामित्व र अलिक कडिकडाउ गरिएको छ । धेरैजसोले व्यावसायिक सञ्चालन र व्यवसाय गर्दैनन् । यी कम्युनिटीहरु विलासी रियल स्टेट मार्केट बनेका छन् । यी बस्तीका सडक पनि धेरै फराकिला छन् । जहाँ एउटा जहाज र कार सँगसँगै निस्किन सक्छन् ।
दोस्रो विश्वयुद्धमा अमेरिकाले निर्णायक भूमिका निभाएको थियो । विकिपेडियाका अनुसार अमेरिकामा सन् १९३९ सम्म मात्र ३४ हजार पाइलट थिए । तर सन् १९४६ सम्म आइपुग्दा त्यो संख्या बढेर चार लाख बढी पुगेको थियो । लडाइँ सकिएसँगै धेरैजसो एयरफिल्ड र पाइलट खाली भए । यसैलाई समाधान गर्न अमेरिकाको द सिभिल एरोनाउटिक्स एडमिनिस्ट्रेसनले आवासीय एयरपार्क बनाउने प्रस्ताव राख्यो । सोसँगै बन्द भइसकेका सैन्य एयरस्ट्रिप्समा पेन्सन पाएका सैनिक पाइलटलाई राखिने निर्णय भयो । यसअनुसार बस्ती राखेपछि यसलाई फ्लाई इन कम्युनिटिज भन्न थालियो । र, यहाँका हरेक घरमा कारजस्तै एउटा हवाइजहाज हुन्छन् ।
पहिलो एयरपार्क भने सन् १९४६ मा क्यालिफोर्नियाको फ्रेस्नोमा रहेको सियरा स्काई पार्कलाई मानिन्छ । अमेरिकामा यस्ता रेसिडेन्सल एयरपार्कहरु धेरै छन् । द लिभिङ विथ योर प्लेन एसोसिएसनका अनुसार कम्तीमा पनि चार सय २६ वटा यस्ता एयरपार्क रहेका छन् । फ्लोरिडामा मात्रै ५२ वटा यस्ता रेसिडेन्सल एयरपार्क छन् भने वासिङटनमा ५०, क्यालिफोर्नियामा २८ र ओरेगनमा २३ वटा छन् । विश्वभर यस्ता आवासीय एयरपार्कहरुको संख्या करिब छ सय ३० रहेका छन् । जसमध्ये अधिकांश अमेरिकामै छन् ।
क्याटेगोरी : विश्व बजार
ताजा अपडेट
- सञ्चारमन्त्री शर्माद्वारा सार्वजनिक सेवा प्रसारणसम्बन्धी विधेयक अघि बढाउन आग्रह
- प्रधानमन्त्रीसँग संयुक्त राष्ट्रसङ्घका सहायक महासचिवको शिष्टाचार भेट
- पंक्षी संरक्षणमा क्रियाशील राजु आचार्य पुरस्कृत
- अप्रिलमा नेपाल भित्रने पर्यटक १२ दशमलव ७५ प्रतिशतले बढे
- कैदीबन्दीको कैद मिनाहा माफीमा कुनै किसिमको विभेद हुनुहुँदैन: गृहमन्त्री लामिछाने
- रेसुङ्गा धार्मिक तथा प्राकृतिक पर्यटनका लागि निकै सम्भावना बोकेको क्षेत्र: प्रधानमन्त्री
- वेस्ट इन्डिज ‘ए’लाई टी–ट्वान्टी शृङ्खलाको उपाधि
- पोखरामा किसान पाठशाला सञ्चालन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया