इरानमा कोरोनाबाट अहिलेसम्म एक लाख नर्स संक्रमित, १२० को मृत्यु
तेहरान ।
इरानमा सन् २०२० को फेब्रुअरीपछि कोभिड–१९ संक्रमणका कारण एक लाखभन्दा बढी नर्स संक्रमित भएको इरानको नर्सिङ संगठनले मंगलबार सार्वजनिक एक तथ्यांकमा जनाइएको छ । संक्रमित नर्समध्ये एक सय २० जनाको यो अवधिमा मृत्यु भएको पनि उक्त तथ्यांकमा उल्लेख छ ।
इरानमा कोभिड–१९ को महामारी पत्ता लागेपछि नर्सहरूले गरेको सेवाको संगठनका प्रमुख मोहम्मद मिर्जाबेगीले प्रशंसा गर्दै भने, ‘विश्वव्यापी महामारीका समय नर्सहरूले दिएको सेवाका कारण हजारौँ मानिसको जीवन सुरक्षित बनेको छ । बिरामीहरूको हेरचाह गर्न नर्सहरूले त्याग नगरी मुलुकमा संकटलाई नियन्त्रण गर्न नसकिने थियो । संकका समय नर्सहरूबाट पु-याएको योगदानको राष्ट्रले उच्च कदर गर्नुपर्नेछ ।’
इरानको राज्य सञ्चालित समाचार संस्था आईआरएनएले मिर्जाबेगीलाई उद्धृत गरी लेखेको छ, ‘संक्रमित करिब एक लाख नर्सहरूले आफू कोभिड–१९ संक्रमित भएपछि निश्चित समयको उपचार तथा आरामपछि पुनः सेवामा जोडिएका थिए । उक्त अवधिमा एक सय २० नर्सको कोभिड–१९ संक्रमणपछि शरीरमा आएका विविध समस्याका कारण ज्यान गुमाएका थिए ।’
इरानमा नर्सहरूको अभावलाई संकेत गर्दै उनले भने, ‘विगत वर्षहरूमा नर्सहरूको ५३ हजार दरबन्दीका लागि अनुमति रहेको भएपनि मात्रै तीन हजारले सेवा प्रवेश पाएका थिए ।’ उनले समयमा नै जिम्मेवार पक्षले यस्ता क्षेत्रका सम्वेदनशील कुरालाई नबुझिदिँदा अहिले यसको प्रभाब स्वास्थ्य क्षेत्रले ब्यहोर्नु परेको बताए ।
उनले स्वास्थ्य अधिकारीहरुलाई अग्रमोर्चामा खटिने देशभरका नर्सहरुलाई तुरुन्त खोप पूरा गर्न आग्रह गरे । मंगलबार इरानले आफ्नो देशमा विकसित कोभिड–१९ विरूद्धको खोपको ठूलो परिमाणको उत्पादन सुरु गरेको छ । रासस/सिन्ह्वा
क्याटेगोरी : विश्व बजार
ताजा अपडेट
- जुम्लामा भीरबाट लडेर ७० भेडा मरे
- सहकारीले बैङ्कभन्दा ठूलो कारोबार गर्दा समस्या आयो : मन्त्री अधिकारी
- बैंकभन्दा ठूलो कारोबार गर्दा सहकारीमा समस्या आयो : मन्त्री अधिकारी
- चिनीको मूल्यमा स्थिरता कायम गर्न मन्त्री भण्डारीसमक्ष रास्वपाको माग
- प्रा. पोखरेल त्रिवि पत्रकारिता विभागको प्रमुखमा
- दुई दशमलव शुन्य छ अंकले उक्लियो सेयर बजार
- जतिसक्दो चाँडो सञ्चारसम्बन्धी ऐन ल्याउने तयारीमा सरकार: सञ्चारमन्त्री
- शिक्षा मन्त्रालयले विद्यार्थीको सिकाइ उपलब्धिलाई ध्यानमा राखेर कार्यक्रम सञ्चालन गर्ने
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया