दोलखा ।
पछिल्लो समय जिल्लाका ग्रामीण बस्तीमा नयाँ प्रविधिका कृषि औजारको प्रयोग बढिरहेको छ । केही वर्षअघिसम्म परम्परागत शैलीमा खेती गर्ने किसानलाई हाल बजारमा भित्रिएको प्रविधिले खेतीपाती गर्न र बाली कुटपिट गर्न सहज भएको छ । हातपाखुरा दुखाएर दिनभर गहुँ कुट्ने बैतेश्वर ६ नाम्दुका किसान गोरे नेपाली अहिले गहुँ कुट्ने मेसिन गाउँमा ल्याएपछि निकै सहज भएको बताउँछन् ।
मेसिन नहुँदा एक मुरी गहुँ कुट्न दिनभर लाग्थ्यो, अहिले गाउँमा मेसिन आएपछि आधा घण्टामा गहुँ कुटेर सकेको नेपालीले बताए । दुई/चार वर्षअघिसम्म गोरुले खेतबारी जोत्ने किसान अहिले ट्र्याक्टरको प्रयोग गर्न थालेका छन् । खेतीअनुसारका प्रविधि गाउँ भित्रिएसँगै काम गर्न सहज भएको किसानहरू बताउँछन् ।
दिनभर हलो जोतेर एक हजार नकमाउने किसान अहिले नयाँ प्रविधिका मेसिनरी कृषि औजारको प्रयोग गरेर सिजनमा दैनिक तीन हजारदेखि पाँच हजार रूपैयाँसम्म कमाउने गरेको बैतेश्वर तीन मिर्गेका किसान पुष्कर बस्नेत सुनाउँछन् । बस्नेतसँग गहुँ कुट्ने मेसिन र खेतबारी जोत्ने ट्र्याक्टर रहेको छ ।
गहुँको सिजनमा गहुँ कुटेरै एक महिनामा करिब ५० हजार आम्दानी गरेको उनले सुनाए । तेल तथा मर्मत खर्च कटाउँदा पनि ३० हजार आम्दानी गरेको बताए । त्यस्तै अब धान खेतीको समय सुरु भएकाले खेत जोत्ने ट्याक्टरबाट पनि दुई महिना राम्रो आम्दानी हुने बस्नेतको भनाइ छ । छिटोछरितो ढंगले खेतीपाती गर्न सहज भए पनि काम गर्दागर्दै बिग्रेका कृषि औजार बनाउने ठाउँ र सहजरूपमा इन्धन नपाउँदा खर्च बढ्नेगरेको उनको गुनासो छ ।
क्याटेगोरी : सहकारी–कृषि
ताजा अपडेट
- नेपाल एसबीआई बैंक सम्मानित
- गुहेश्वरी मर्चेन्ट बैंकिङ एन्ड फाइनान्सको क्युआर टेलर सुरु
- आगामी बजेटका चुनौती
- आर्थिक विकासको लक्ष्यमा कृषिको भूमिका
- सहकारीको लहरो पहरोसम्मै पुगोस्
- ‘श्रमिकको न्यूनतम पारिश्रमिक वृद्धि गर्न पहल गर्छु’
- प्रेस स्वतन्त्रताको पक्षमा लालटिन बालेर प्रदर्शन
- व्यवसायीलाई दुःख दिँदै राजस्व कार्यालय
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया