टोयोटाको नयाँ गाडी पाउन ग्राहकले चार वर्ष कुर्नुपर्ने !
जापान । सवारी निर्माता टोयोटाले जापानमा आफ्नो नयाँ गाडी डेलिभरी पाउन चार वर्ष कुर्नुपर्ने हुनसक्ने चेतावनी दिएको छ । विश्वको ठूलो कार उत्पादकले यो ढिलाइमा विश्व चिप अभाव वा आपूर्ति शृंखलाको अवरोध कारण नभएको जनाएको छ । लामो समय गाडी नपाउनुको मूल कारणचाहिँ कम्पनीले खुलाएको छैन ।
यता कोरोना संक्रमण बढ्दै जाँदा कम्पनीले जापानका ११ प्लान्टसम्ममा उत्पादन सुस्त पार्ने जनाएको छ । टोयोटाले आफ्नो वेबसाइटमा उल्लेख गरेको छ, ‘ल्यान्ड क्रुजर निकै प्रसिद्ध छ, जापानमा मात्र होइन विश्वभर नै, हामी ढिलो डेलिभरीका लागि माफी चाहन्छौँ ।’
कम्पनीले यदि अहिले ग्राहकले अर्डर गर्छन् भने उनीहरुले कार पाउन चार वर्षसम्म कुर्नुपर्ने सम्भावना रहेको बताएको छ । कम्पनीले सेमिकन्डक्टर चिपको अभाव वा आपूर्तिमा समस्या यसको कारण नरहेको दाबी गरेको छ । टोयोटाको नयाँ मोडलको ल्यान्डक्रुजरको अहिले बजारमा उच्च माग छ । टोयोटाले अहिले यसको मध्य र दीर्घकालीन रुपमा उत्पादन तीव्र पार्ने तयारी गरेको छ । सन् १९५१ मा ल्यान्डक्रुजर बजारमा आएको थियो । यो गाडी अहिलेसम्मकै धेरै लामो समयसम्म बिक्री भएको कम्पनीको उत्पादन हो ।
गत वर्षको अगस्टसम्म कम्पनीले एक करोड छ लाखवटा ल्यान्डक्रुजर बिक्री गरिसकेको छ । बितेका महिनाहरुमा यसका प्रतिस्पर्धी कम्पनीहरु जनरल मोटर्स, फोर्ड, निसान, डायम्लर, बीएमडब्ल्यू र रेनोजस्तै कम्पनीले पनि उत्पादन कटौती गर्न बाध्य भएको छ । गत महिनाा कम्पनीले जापानमा केही कारखानामा गरिएको उत्पादन कटौती थप लम्ब्याउने बतााएको थियो । कम्पनीले अहिले पनि आपूर्ति शृंखलामा समस्या भोगिरहेको छ ।
कम्पनीका अनुसार दक्षिणपूर्वी एसियाका केही कारखानामा पनि महमारीले समस्या भएको छ । यसबाट ल्यान्ड क्रुजर र लेक्ससको उत्पादनमा ठूलो असर पुगेको थियो । गत वर्षको सुरुतिरै कम्पनीले चिप अभावका कारण विश्वभर नै उत्पादन कटौती गर्ने बताएको थियो ।
क्याटेगोरी : विश्व बजार
ताजा अपडेट
- सञ्चारमन्त्री शर्माद्वारा सार्वजनिक सेवा प्रसारणसम्बन्धी विधेयक अघि बढाउन आग्रह
- प्रधानमन्त्रीसँग संयुक्त राष्ट्रसङ्घका सहायक महासचिवको शिष्टाचार भेट
- पंक्षी संरक्षणमा क्रियाशील राजु आचार्य पुरस्कृत
- अप्रिलमा नेपाल भित्रने पर्यटक १२ दशमलव ७५ प्रतिशतले बढे
- कैदीबन्दीको कैद मिनाहा माफीमा कुनै किसिमको विभेद हुनुहुँदैन: गृहमन्त्री लामिछाने
- रेसुङ्गा धार्मिक तथा प्राकृतिक पर्यटनका लागि निकै सम्भावना बोकेको क्षेत्र: प्रधानमन्त्री
- वेस्ट इन्डिज ‘ए’लाई टी–ट्वान्टी शृङ्खलाको उपाधि
- पोखरामा किसान पाठशाला सञ्चालन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया