एप्पलले ल्यायो आईफोन १४ र १४ प्लस
यस्ता छन् फिचर, विशेषता र मूल्य
अमेरिका । चर्चित प्रविधि कम्पनी एप्पलले आईफोन १४ र १४ प्लस सार्वजनिक गरेको छ । कम्पनीले ६.१ इन्च र ६.७ इन्च आकारमा दुई फोन बजारमा अनावरण गरेको हो ।
दुवै फोनमा आकर्षक डिजाइन र क्यामेराको अपग्रेड गरिएको कम्पनीले जनाएको छ । यी फोनमा सुरक्षा क्षमताको नयाँ फिचर पनि ल्याइएको छ । दुवै फोनले उच्च स्तरको तस्बिर र भिडिओ खिच्न सक्छन् । यसको क्यामेरा प्रणालीलाई शक्तिशाली बनाउने क्रममा एप्पलले मुख्य र फ्रन्ट ट्रु डेप्थ क्यामेरा, अल्ट्रा वाइड क्यामेरा राखेको छ ।
दुवै मोडलमा ५ कोर जीपीयूसहितको ए१५ बायोनिक चिप रहेको छ । यसले उच्च प्रस्तुति दिने कम्पनीको भनाइ छ । गोपनीयता र सुरक्षालाई ध्यान दिएर फोनको डिजाइन गरिएको छ । आईफोन १४ र आईफोन १४ प्लसले गम्भीर सुरक्षा क्षमता जस्तै दुर्घटना पहिचान र स्याटेलाइटबाट आकस्मिक एसओएसजस्ता फिचर समावेश छन् । जुन यो उद्योगमै पहिलोपटक राखिएको फिचर भएको एप्पलले जनाएको छ ।
टिकाउ ब्याट्री, ड्युरेबिलिटी फिचरहरु र तीव्र गतिको फाइभजीलगायतका सुविधा भएको आईफोन अहिलेसम्मकै उन्नत रहेको कम्पनीको दाबी छ । दुवै फोनहरु मिडनाइट, ब्ल्यू, स्टारलाइट, पर्पल प्रोडक्ट रेड स्वरुपमा उपलब्ध छन् । आगामी शुक्रबारदेखि अग्रिम रुपमा यी फोन माग्न सकिने कम्पनीले जनाएको छ । त्योसँगै सेप्टेम्बर १६ देखि ग्राहकले नयाँ फोन चलाउन पाउनेछन् । आईफोन १४ प्लस भने अक्टोबर ७ देखि उपलब्ध हुने कम्पनीले जनाएको छ ।
यी फोनहरु १२८ जीबी, २५६ जीबी र ५१२ जीबी भण्डारण क्षमतामा रहेका छन् । अस्ट्रेलिया, क्यानडा, चीन, फ्रान्स, जर्मनी, भारत, इटली, जापान, सिंगापुर, स्पेन, थाइल्यान्ड, यूएई, बेलायत, अमेरिका र अन्य ३० भन्दा बढी देशमा अग्रिम माग गर्न सकिने कम्पनीले जनाएको छ । नयाँ फोन मलेसिया, टर्की र २० अन्य देशहरुमा सेप्टेम्बर २३ देखि उपलब्ध हुने कम्पनीले जनाएको छ ।
आईफोन १४ को मूल्य ३३.२९ अमेरिकी डलर प्रतिमहिना (२४ महिनाको लागि) अर्थात् ७९९ अमेरिकी डलर अमेरिकाको लागि तोकिएको छ । त्यस्तै १४ प्लसको सोही हिसाबले प्रतिमहिना ३७.४५ अमेरिकी डलर वा ८९९ अमेरिकी डलर अमेरिकाका लागि तोकिएको छ ।
क्याटेगोरी : विश्व बजार
ताजा अपडेट
- सञ्चारमन्त्री शर्माद्वारा सार्वजनिक सेवा प्रसारणसम्बन्धी विधेयक अघि बढाउन आग्रह
- प्रधानमन्त्रीसँग संयुक्त राष्ट्रसङ्घका सहायक महासचिवको शिष्टाचार भेट
- पंक्षी संरक्षणमा क्रियाशील राजु आचार्य पुरस्कृत
- अप्रिलमा नेपाल भित्रने पर्यटक १२ दशमलव ७५ प्रतिशतले बढे
- कैदीबन्दीको कैद मिनाहा माफीमा कुनै किसिमको विभेद हुनुहुँदैन: गृहमन्त्री लामिछाने
- रेसुङ्गा धार्मिक तथा प्राकृतिक पर्यटनका लागि निकै सम्भावना बोकेको क्षेत्र: प्रधानमन्त्री
- वेस्ट इन्डिज ‘ए’लाई टी–ट्वान्टी शृङ्खलाको उपाधि
- पोखरामा किसान पाठशाला सञ्चालन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया