७० करोड डलरमा बनेको अमेरिकी एयरफोर्सको बी–२१ आणविक बमवर्षक
अमेरिका । अमेरिकी हवाइ बल (एयरफोर्स)ले आफ्नो नवीनतम आणविक स्टिल्थ बमवर्षक विमान बी–२१ सार्वजनिक गरेको छ । योसँगै शीतयुद्धमा पहिलोपटक उडेका अन्य पुराना बमवर्षकलाई यसले विस्थापन गर्नेछ ।
यो लडाकु विमान ३० वर्षयता बनेको पहिलो र नयाँ हो । यसको लागत नै ७० करोड अमेरिकी डलर रहेको छ । यसले आणविक र परम्परागत हतियार प्रयोग गर्न सक्षम रहेको बीबीसीले जनाएको छ । यसका थप विशेषताहरु खुलाइएको छ । अमेरिकी रक्षा सचिव लोयड अस्टिनले यो अमेरिकी आविष्कार क्षमताको एक आकांक्षा भएको बताए ।
बी–२१ रेडर जहाज शुक्रबार क्यालिफोर्नियास्थित उत्पादक कम्पनी नर्थ्रप ग्रुम्यानको फेसिलिटीमा एक समारोहका बीच सार्वजनिक गरिएको थियो । अस्टिनले अमेरिकी उडानमा रहेका बमवर्षकभन्दा यो निकै परिष्कृत रहेको बताए । अत्याधुनिक हवाइ प्रतिरक्षा प्रणालीले समेत यसलाई आकाशमा अनुगमन गर्न नसक्ने उनको भनाइ छ ।
‘यो विमानमा लो–अब्जर्भेवल प्रविधिमा ५० वर्ष लामो परिष्कृति समावेश भएको छ’, उनले भने । ‘ओपन सिस्टम आर्किटेक्चर’सँगै यो विमान निर्माण गरिएको र यसले अहिले आविष्कार नै नभइसकेका नयाँखाले हतियार पनि प्रयोग गर्न सक्ने उनको भनाइ छ । समारोहमा मानवरहित उडानको सम्भावनाबारे केही नबताइए पनि एक जना अमेरिकी एयर फोर्सकी प्रवक्ताले भने यो विमान त्यसको सम्भावनायुक्त रहेको तर यसबारे अहिले नै केही निर्णय नलिइएको बताइन् ।
यो विमानले पहिलो उडान अर्को वर्षमात्रै गर्न सक्ने बताइएको छ । यसले बी–१ र बी–२ मोडललाई विस्थापित गर्नेछ । साथै यसको उडानमा दुई खर्ब तीन अर्ब खर्च हुनेछ । पूर्णरुपेण यसको विकास गर्न, किन्न र आगामी ३० वर्षभित्र सञ्चालन गर्न उक्त रकम खर्च हुने ब्लुमबर्गले जनाएको छ । अहिलेलाई नयाँ विमान छवटा बनिरहेको उत्पादकले जनाएको छ । ती सबैमा अर्को पुस्ताको स्टिल्थ फिचरहरु प्रयोग गरिने उत्पादक कम्पनीले जनाएको छ । अमेरिकी एयरफोर्सले कम्तीमा सय यसखाले विमान किन्ने योजना बनाएको छ ।
क्याटेगोरी : विश्व बजार
ताजा अपडेट
- जसपा नेपालले कानुनी उपचार खोज्ने
- जुम्लामा भीरबाट लडेर ७० भेडा मरे
- सहकारीले बैङ्कभन्दा ठूलो कारोबार गर्दा समस्या आयो : मन्त्री अधिकारी
- बैंकभन्दा ठूलो कारोबार गर्दा सहकारीमा समस्या आयो : मन्त्री अधिकारी
- चिनीको मूल्यमा स्थिरता कायम गर्न मन्त्री भण्डारीसमक्ष रास्वपाको माग
- प्रा. पोखरेल त्रिवि पत्रकारिता विभागको प्रमुखमा
- दुई दशमलव शुन्य छ अंकले उक्लियो सेयर बजार
- जतिसक्दो चाँडो सञ्चारसम्बन्धी ऐन ल्याउने तयारीमा सरकार: सञ्चारमन्त्री
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया