टर्की र सिरियामा भूकम्पको विध्वंस, २३ सयभन्दा बढी मानिसको मृत्यु, हजारौँ घाइते
इस्तानबुल । सोमबार बिहानै गएको भूकम्पले टर्की र सिरियामा विध्वंस मच्चाएको छ । ग्याजियान्टेप सहर केन्द्रविन्दु भएको ७.८ म्याग्निच्युटको भूकम्पले ठूलो जनधनको क्षति गरेको हो ।
सोमबार राति १०ः०५ बजेसम्म भूकम्पमा ज्यान गुमाउनेको संख्या दुई हजार तीन सय नाघेको बीबीसीले जनाएको छ । सिरिया र टर्कीको सीमानजिकै ग्याजियान्टेपमा भूकम्प गए पनि इजरायल, साइप्रससम्म धक्का महशुस गरिएको थियो । सोमबार बिहानै ७.८ म्याग्निच्युटको गएकोमा स्थानीय समयअनुसार फेरि दिउँसो साढे १ः०० बजे अर्को भूकम्प गएको थियो ।
पहिलो भूकम्पले टर्कीमा मात्रै एक हजार पाँच सय जनाको मृत्यु भएको थियो । टर्कीको प्रकोप संस्थाका अनुसार त्यसमा पाँच हजार तीन सयभन्दा बढी घाइते भएका छन् । त्यस्तै सिरियाली अधिकारीहरुले पनि भूकम्पमा परी आठ सय १० जनाको मृत्यु र दुई हजारभन्दा बढी मानिस घाइते भएको बताएका छन् । अहिले दुवै प्रभावित देशमा उद्धारको काम भइरहेको छ । धेरै मानिसहरु भत्केका भवनमा फसेको बताइएको छ । सयौँ भवनहरु भत्किएका छन् । भूकम्पको दशौँ लाख मानिसले महशुस गरेको बताइएको छ ।
उद्धारमा विश्वको सहयोग
यसैबीच, टर्की र सिरियामा ठूलो जनधन क्षति पु-याउने गरी भएको भूकम्पमा प्रभावितका लागि विश्व समुदायले सहयोग गर्ने प्रतिबद्धता जनाएको छ । संयुक्त राज्य अमेरिकाका राष्ट्रपति जो बाइडेनले जनधनको क्षतिप्रति दुःख व्यक्त गर्दै अवस्थाबारे जानकार रहेको र आवश्यक सरसहयोगको लागि तयार रहेको बताएका छन् । यता रुसको आक्रमण झेलिरहेको युक्रेनका राष्ट्रपति भ्लोदिमिर जेलेन्स्कीले पनि आवश्यक सहयोगका लागि तयार रहेको बताएका छन् । उनीहरुले टर्कीका राष्ट्रपति रिसेप एर्डोगानलाई सहयोग गर्ने बताएका हुन् । टर्कीमा मात्रै कम्तीमा १५ सय जनाको मृत्यु भएको पुष्टि एर्डोगानले गरिएकेका छन् ।
यता युरोपेली संघले पनि संकट प्रतिक्रियाका लागि छलफल गरिरहेको छ । त्यस्तै संयुक्त राष्ट्रसंघले न्युयोर्कमा भएको बैठकमा दुःख व्यक्त गरेको छ । उता इजरायलले टर्की र सिरियामा मद्दतको लागि तयार रहेको बताएको छ । उसले खोजी, उद्धार र मेडिकल टोली पठाउने बताएको छ । त्यस्तै रुसी राष्ट्रपति भ्लादिमिर पुटिनले पनि टर्की र सिरिया दुवै देशमा सहयोग गर्ने प्रतिबद्धता जनाएका छन् । यसबाहेक बेलायत, जर्मनी, भारतलगायतका देशबाट पनि प्रभावितका लागि सहयोगको प्रतिबद्धता आएको एजेन्सीहरुले उल्लेख गरेका छन् ।
क्याटेगोरी : विश्व बजार
ताजा अपडेट
- जसपा नेपालले कानुनी उपचार खोज्ने
- जुम्लामा भीरबाट लडेर ७० भेडा मरे
- सहकारीले बैङ्कभन्दा ठूलो कारोबार गर्दा समस्या आयो : मन्त्री अधिकारी
- बैंकभन्दा ठूलो कारोबार गर्दा सहकारीमा समस्या आयो : मन्त्री अधिकारी
- चिनीको मूल्यमा स्थिरता कायम गर्न मन्त्री भण्डारीसमक्ष रास्वपाको माग
- प्रा. पोखरेल त्रिवि पत्रकारिता विभागको प्रमुखमा
- दुई दशमलव शुन्य छ अंकले उक्लियो सेयर बजार
- जतिसक्दो चाँडो सञ्चारसम्बन्धी ऐन ल्याउने तयारीमा सरकार: सञ्चारमन्त्री
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया