फर्स्ट माइक्रोफाइनान्समा पन्त कामु कार्यकारी
काठमाडौं, साउन ४
फर्स्ट माइक्रोफाइनान्सको कायम मुकायम प्रमुख कार्यकारी अधिृकतमा दानराज पन्त नियुक्त भएका छन् । संस्थाका अनुसार प्रमुख कार्यकारी अधिकृत भेषराज पन्थीको कार्यकाल असार ३१ मा सकिएपछि पन्थ कामु भएका हुन । संस्थाले बैंक तथा वित्तीय संस्थाबाट पाँच अर्ब २३ करोड ऋण सापटी लिएर पाँच अर्ब ६० करोड थोक कर्जा प्रवाह गरेको छ । संस्थाको चुक्ता पुँजी ८० करोड छ ।
बीएससी कृषिको अध्ययनपश्चात् लघुवित्त क्षेत्रमा प्रवेश गरेका पन्त अर्थशास्त्रमा स्नतकोत्तर हुन् । लमजुङका पन्तसँग लघुवित्त क्षेत्रमा १७ वर्षको अनुभव छ । वि.सं. २०६८ मा छिमेक लघुवित्त विकास बैंकमा शाखा प्रबन्धकमा प्रवेश गरी पन्त अनुगमन प्रमुख तथा सहायक क्षेत्रीय प्रवन्धक लगायतका पदमा रही छ वर्ष काम गरेर त्यहाँको व्यवस्थापन समितिको सदस्यको रुपमा नीति निर्देशिकालगायत रणनैतिक योजनामा सहभागी भएका थिए । मुक्तिनाथ विकास बैंकमा प्रबन्धक पदमा तीन वर्ष लघुवित्त विभाग प्रमुखको जिम्मेवारी सम्हालेर सो लघुवित्त बैंकिङको जग बसाली विकास बैंकलाई चर्चाको शिखरमा पु-याउन उनको ठूलो योगदान रहेको छ ।
फर्स्ट माइक्रोफाइनान्सको कम्पनीको असार ३१ गतेको सञ्चालक समिति बैठकले पन्तलाई कम्पनी सचिवको समेत जिम्वेवारी यथावत रहने गरी कामु प्रमुख कार्यकारी अधिकृतमा नियुक्त ग गरेको हो । फर्स्ट माइक्रोफाइनान्स “घ” वर्गको राष्ट्रिय स्तरकोे थोक लघुकर्जा प्रदायक लघुवित्त वित्तीय संस्थाको रुपमा स्थापना भई २०६६ साल पौष २४ गतेदेखि कारोबार थालेको हो । यसले राष्ट्र बैंकबाट इजाजतपत्र प्राप्त लघुवित्त वित्तीय संस्था तथा ग्रामीण क्षेत्रमा कार्यरत समुदायमा आधारित भएर वचत तथा ऋणको कार्य गरिरहेका बचत तथा ऋण, बहुउद्देश्यीय र साना किसान सहकारी संस्थालाई दिगो लघुवित्त सेवाका लागि थोक लघुकर्जा प्रदान गरिरहेको छ ।
यसबाट थोक कर्जा लिई रहेका साझेदारी ऋणी संस्था एक सय २० छन् । चितवनको भरतपुर र मोरङको उर्लाबारीमा दुई शाखा रहेको यसमा २१ कर्मचारी कार्यरत छन् । संस्थाले ऋणी साझेदार संस्थामार्फत विपन्न वर्गमा कर्जा प्रवाह गरी विपन्न तथा न्यून आय भएका लक्षित वर्गको जीविकोपार्जनमा टेवा प्रदान गर्ने तथा जीवनस्तर उकास्न सहयोग पु-याउने प्रमुख उद्देश्यका साथ कारोबार गर्दै आएको छ ।
पन्तले आफ्नो जिम्मेवारीसँगै संस्थालाई लघुवित्त क्षेत्रमा अझै बढी प्रभावकारी बनाउने प्रतिवद्धता व्यक्त गरेका छन् । भारत, श्रीलंका, थाईल्याण्डका माइक्रोफाइनान्स लघुवित्त संस्थाको अध्ययन भ्रमण गरेका पन्तले सिग्यापको फाइनिन्सयल परफरमेन्स म्यानेजमेन्ट तालिम कोर्स, कोडि इन्स्टिच्युट अफ जेभिएर फ्रान्सिज युनिभरसीटिको कम्युनिटी वेस्ड माइक्रोफाइनान्स फर फाइन्यिनसियल इन्क्लुजन कोर्स र द माइक्रोफाइनान्स एसोसिएसन युकेको माइक्रोफाइनान्स सस्टेनेबिलिटी म्यानेजमेन्ट अनलाइन तालिम लिएका छन् । लघुवित्तको अतिरिक्त युएनडीपी र अक्सफोर्ड युनिभरसिटीको डिजाइनिङ्ग मल्टीडायमेन्सनल पोभर्टी इन्डेक्स अनलाइन कोर्स लिई त्यसको प्राविधिकको लिस्टमा रहेका छन् ।
क्याटेगोरी : बैंक बित्त बजार
ताजा अपडेट
- सञ्चारमन्त्री शर्माद्वारा सार्वजनिक सेवा प्रसारणसम्बन्धी विधेयक अघि बढाउन आग्रह
- प्रधानमन्त्रीसँग संयुक्त राष्ट्रसङ्घका सहायक महासचिवको शिष्टाचार भेट
- पंक्षी संरक्षणमा क्रियाशील राजु आचार्य पुरस्कृत
- अप्रिलमा नेपाल भित्रने पर्यटक १२ दशमलव ७५ प्रतिशतले बढे
- कैदीबन्दीको कैद मिनाहा माफीमा कुनै किसिमको विभेद हुनुहुँदैन: गृहमन्त्री लामिछाने
- रेसुङ्गा धार्मिक तथा प्राकृतिक पर्यटनका लागि निकै सम्भावना बोकेको क्षेत्र: प्रधानमन्त्री
- वेस्ट इन्डिज ‘ए’लाई टी–ट्वान्टी शृङ्खलाको उपाधि
- पोखरामा किसान पाठशाला सञ्चालन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया