Techie IT
×
गृहपृष्ठbreakingनेप्से १८ सय ३७ बिन्दुमा, कारोबार रकम ४८ करोड रुपैंयाँमा खुम्चियो

नेप्से १८ सय ३७ बिन्दुमा, कारोबार रकम ४८ करोड रुपैंयाँमा खुम्चियो


काठमाडौं  ।  साताको चौंथो कारोबार दिन आज बुधबार बजार परिसुचक छ दशमलव ४१ अंकले उकालो लागेर १८ सय ३७ दशमलव ४६ बिन्दुमा पुगेको छ ।

क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि आज एक दशमलव ४५ अंकले उकालो लागेर तीन सय ५९ दशमलव ५९ बिन्दुमा चढेको छ । बजार परिसुचक उकालो लागेपनि कारोबार यसदिन कारोबार रकम अघिल्लो दिनको तुलनामा घटेको छ । आज १३ वटा उपसमुहहरु अन्तर्गत दुई सय २१ वटा कम्पनीहरुका सेयर कारोबार भएका छन् ।

जसअन्तर्गत ११ हजार नौं सय २७ पटकको कारोबारमा १३ लाख ७० हजार चार सय ७७ कित्ता सेयर खरिद बिक्री भएका छन् । सोही खरिद बिक्रीका आधारमा आज कुल कारोबार रकम ४८ करोड ५४ लाख आठ हजार सात सय ६८ रुपैंयाँ कायम भएको छ । अघिल्लो दिन यस्तो कारोबार रकम ६६ करोड रुपैयाँमा सिमित रहेको थियो ।

नेपाल स्टक एक्सचेन्ज लिमिटेड (नेप्से) मा आज कारोबार भएका कुल उपसमुहहरु मध्ये चार वटा उपसमुहरुको सुचक ओरालो लागेर बाँकी उपसमुहहरुको सुचक उकालो लागेका छन् ।


क्याटेगोरी : breaking, वित्त पूँजी बजार

तपाईको प्रतिक्रिया