युरोपेली केन्द्रीय बैंकलाई ब्याजदर वृद्धिमा जोड नदिन आग्रह
एजेन्सी । युरोपेली केन्द्रीय बैंक (ईसीबी)ले मुद्रास्फीति नियन्त्रण गर्न लामो समयसम्म आफ्नो ब्याजदरलाई उच्चस्तरमा कायम राख्नुपर्ने तर अर्थतन्त्रमा असर पार्नसक्ने थप वृद्धिबाट बच्नुपर्ने फ्रान्सेली केन्द्रीय बैंकका प्रमुखले सोमबार बताएका छन् ।
ईसीबीले यस महिनाको सुरूमा गरेको वृद्धिसँगै लगातार १०औँ पटक ब्याजदर बढाएको थियो । वृद्धिले ईसीबीको निक्षेप दरलाई उच्च चार प्रतिशतमा पु-याएको छ, तर विश्लेषकहरूले बैंकले अब आफ्नो वृद्धि अभियानलाई रोक्नसक्ने बताएका छन् । ईसीबी, अमेरिकी फेडरल रिजर्भ र अन्य केन्द्रीय बैंकहरूले रूसले युक्रेनमा आक्रमण गरेपछि उच्च वृद्धि भएको उपभोक्ता मूल्यलाई नियन्त्रण गर्ने प्रयासमा नाटकीयरूपमा उधारो लागतलाई बढाएका छन् ।
फ्रान्सको केन्द्रीय बैंकका गभर्नर फ्रान्कोइस भिलेरोय डी गाल्हाउले नीति निर्माताहरूले सन् २०२५ सम्ममा मुद्रास्फीतिलाई दुई प्रतिशतको लक्ष्यमा फर्काउने दिशामा हामी सही बाटोमा छौँ भन्ने जानकारी प्राप्त गरेको बताए । उनले भने, ‘हाम्रो हालको मूल्यांकनको आधारमा, हामी विचार गर्दछौँ कि हाम्रो प्रमुख ईसीबी ब्याजदरहरू उच्चस्तरमा पुगेका छन् । पर्याप्त लामो अवधिसम्म गरिएको ब्याजदर वृद्धिले हाम्रो लक्ष्यमा मुद्रास्फीतिको समयमा प्रतिफलसँग व्यापकरूपमा सुसंगत छ ।’ ईसीबी गभर्निङ काउन्सिलका सदस्यले फ्रैंकफर्टस्थित संस्थाले अब युरो क्षेत्रको अर्थतन्त्रलाई सुरक्षित अवतरणमा लैजाने दिशामा काम गर्नसक्ने बताएका छन् ।
‘धेरै काम गर्ने जोखिमलाई पर्याप्त काम नगर्ने जोखिमको विरुद्ध सन्तुलित गर्न आवश्यक छ’, भिलेरोय डी गाल्हाउले जोडर्समा केन्द्रीय बैंकको सम्मेलनमा लिखित टिप्पणी पढ्दै भने, ‘मेरो विचारमा, यी जोखिमहरू अब कमसे कम समान छन् ।’
ईसीबीले तत्कालका लागि दर बढाउन आवश्यक नरहेको तर आवश्यक परेको खण्डमा पुनः शुल्क बढाउन सक्ने उनले बताए । ‘यो एक व्यवस्थापनयोग्य जोखिम हो किनभने यदि यो जोखिम पूरा भयो भने हामी सधैँ अझ बढी गर्न सक्छौँ,’ भिलेरोय डे गाल्हाउले भनेका छन्, ‘तर धेरै काम गर्ने जोखिम, अर्थतन्त्र मन्दीमा फस्ने र मुद्रास्फीतिमा तीव्र गिरावट आउने भएकाले हामीले द्रूत गतिमा विपरीत दिशा समात्नुपर्ने हुन्छ ।’
‘धेरै चाँडै सहज हुने जोखिम’बारे चेतावनी दिँदै फ्रान्सेली केन्द्रीय बैंकका अर्थशास्त्रीले भने, ‘ईसीबीको निर्णय आर्थिक तथ्यांकमा निर्भर रहनुपर्छ र केन्द्रीय बैंकले तेलको मूल्यमा हालको वृद्धिको निगरानी गर्नुपर्दछ,’ उनले भने, ‘अब हामीले उच्च अवधिको दरमा निरन्तर दबाब दिनुको साटो नीतिको निरन्तरतामा ध्यान केन्द्रित गर्नुपर्छ ।’ रासस
क्याटेगोरी : विश्व बजार
ट्याग : #Page 5
ताजा अपडेट
- पर्यटन क्षेत्रका नीतिगत व्यवस्थालाई सुधार गरी लगानीमैत्री बनाउछौं: मन्त्री तामाङ
- महोत्तरीमा दिनहुँजसो आगलागी
- शुन्य दशमलव शुन्य सात अंकले उक्लियो सेयर बजार
- धनुषामा पानीको अभाव भएपछि दमकलले पानी वितरण गरिँदै
- आगामी बजेटले जोखिममा परेका महिला, बालबालिकालाई समेट्छ : मन्त्री चौधरी
- बझाङ उपनिर्वाचनः एमालेका भण्डारी विजयी
- काठमाडौं महानगरद्वारा मटिहानीका आगलागी पीडितलाई १० लाख सहयोग
- छिमेकको छोरीको हत्या गरेको आरोपमा आमाछोरी पक्राउ
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया