बंगलादेशको रुस निर्यात सामान्य अवस्थामा फर्किँदै
ढाका । फेब्रुअरीमा रुस–युक्रेन युद्धसँगै धेरैले बंगलादेशले रुसमा वस्तु निर्यात रोक्ने अड्कल काटेका थिए । किनकि धेरै देशहरुले रुसविरुद्ध आर्थिक प्रतिबन्ध घोषणा गरिरहेका थिए । तर उक्त अड्कलबाजी गलत साबित भएको छ । बंगलादेशको रुसतर्फको वस्तु निर्यात सामान्य अवस्थामा फर्किन लागेको छ ।
वैकल्पिक शिपिङ माध्यम र भुक्तानी प्रणालीका कारण बंगलादेशी निर्यात सामान्य अवस्थामा फर्किएको त्यहाँको अनलाइन पत्रिका द डेलीस्टार अनलाइनले जनाएको छ । पछिल्ला वर्षमा रुस बंगलादेशको उच्च निर्यात सम्भावनायुक्त देखिँदै आएको थियो । तर पछिल्लो युद्धपछि वस्तुहरुको शिपमेन्ट केही समय रोकिनपुगेको थियो ।
चालू आवको पहिलो दुई महिनामा बंगलादेशले रुसमा तीन करोड ३५ लाख २० हजार डलरको वस्तु निर्यात गरेको छ । सन् २०२१/०२२ को सोही अवधिमा बंगलादेशबाट ६३ करोड ८३ लाख अमेरिकी डलरको निर्यात भएको थियो । उक्त वर्ष दुई देशीय व्यापारमा उच्च सुधार भएको थियो ।
युद्धअघि स्थानीय निर्यातकर्ताले चटग्राम बन्दरगाहबाट फिनल्यान्डमा निर्यात गर्दै आएका थिए । ती सबै वस्तु रुसको सेन्ट पिटर्सबर्गमा पुग्थ्यो । तर युद्धपछि अहिले त्यो रुट बिथोलिएको छ । यसको धेरै वैकल्पिक रुट प्रयोग भएको छ । अहिले टर्की, दक्षिण कोरिया, जर्मनी, चीन, हङकङ, सिंगापुर र पोल्यान्ड हुँदै रुसमा पुग्ने गरेका छन् ।
केही निर्यातकर्ताले सिधै रुसमा सामान निर्यात गरिरहेका छन् । उनीहरुले कुनै दुःख र झञ्झट समेत व्यहोर्नु नपरेको बताइएको छ । भुक्तानीमा समेत कुनै पनि कठिनाइ नभएको बताइएको छ । रुसका छवटा बैंकहरुबाट उनीहरुले सिधै भुक्तानी पाइरहेका छन् । यसअघि विश्वव्यापी प्रचलित स्विफ्ट प्रणालीबाट भुक्तानी गर्ने गरिएको थियो ।
क्याटेगोरी : विश्व बजार
ताजा अपडेट
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया