एसईईमा उत्कृष्ट जीपीए ल्याउने विद्यार्थीलाई नगदसहित सम्मान गरिने
सुबास बस्नेत २०७९, भदौ ७ १२:०९ 
दोलखा । जिल्लाको बैतेश्वर गाउँपालिकाले एसईई परिक्षामा उत्कृष्ट जीपीए ल्याउने विद्यार्थीलाई नगद पुरस्कारसहित सम्मान गर्ने भएको छ । पालिकाले यसवर्षदेखि सञ्चलानमा ल्याएको विद्यार्थी प्रोत्साहन कार्यक्रमअन्र्तगत पालिकाभित्रका विद्यार्थीलाई सम्मान गर्न लागेको हो ।
गाउँपालिकाले सामुदायिक तथा संस्थागत विद्यालयमा अध्ययन गरेर २०७८ सालको एसईई परीक्षामा उत्कृष्ट जीपीए ल्याएर एसईई पास गरेका ३४ जना विद्यार्थीलाई सम्मान गर्ने जनाएको छ । उच्चशिक्षा अध्ययन गर्न प्रोत्साहन होस् भन्ने उद्देश्यले उत्कृष्ट नतिजा हासिल गर्न सफल विद्यार्थी र जिल्ला प्रथम हुने एक विद्यालयलाई सम्मान गर्ने भएको बैतेश्वर गाउँपालिका शिक्षा शाखाका सहायक प्राविधिक जनक अधिकारीले जानकारी दिए । गाउँपालिकाले जिल्ला प्रथम हुने एक छात्र र एक छात्रालाई नगद ५०/५० हजार रूपैयाँदरले प्रोत्साहन स्वरूप सम्मान गर्न लागेको हो । त्यस्तै तीन दशमलव ६ देखि ४ जीपीए ल्याउने पाँच जना विद्यार्थीलाई नगद २० हजार, ३ दशमलव दुईदेखि ३ दशमलव ६ जीपीए ल्याउने २७ जना विद्यार्थीलाई १० हजार रूपैयाँका दरले प्रोत्साहन स्वरूप सम्मान गर्न लागेको पालिकाले जनाएको छ । यस्तै गाउँपालिकाले विद्यार्थीलाई जिल्ला प्रथम गराउन सफल एक विद्यालयलाई पनि नगद ५० हजारसहित सम्मान गर्न लागेको छ ।
बैतेश्वर गाउँपालिकाले चालू आर्थिक वर्षमा गुणस्तरीय शिक्षाको विकास तथा विद्यालय र विद्यार्थी प्रोत्साहनको लागि एक करोड २० लाख ७१ हजार बजेट विनियोजन गरेको छ । त्यस्तै पालिकाभित्रका बालविकास सहजकर्ताको प्रोत्साहन गर्न ४५ लाख, शैक्षिक क्यालेन्डर छपाइ गर्न तीन लाख, दिवाखाजाको लागि १३ लाख ५० हजार रकम विनियोजन गरेको छ । त्यस्तै पालिकाले शिक्षाको गुणस्तरसँगै विद्यार्थीलाई खेलकुद क्षेत्रमा प्रोत्साहन गर्न पनि बजेट विनियोजन गरेको छ । यसैगरी एमबीबीएस डाक्टर अध्ययनको लागि विद्यार्थीलाई प्रोत्साहन दिन १५ लाख बजेट विनियोजन गरेको छ ।
क्याटेगोरी : नेपाल
ताजा अपडेट
- सन्दीपको मुद्दा : गौशाला २६ पक्षको बहस सकियो
- एमाले संसदीय दलको बैठक सुरु
- भिजिट भिसामा कुवेत पुर्याई बन्दक बनाएको आरोपमा दुई जना पक्राउ
- उच्च अदालत पाटन बाहिर कडा सुरक्षा
- सहकारी ठगी प्रकरण : नेपाल विद्यार्थी संघद्वारा प्रदर्शन
- सुनको भाउ तोलामा एक हजार रुपैयाँले बढ्यो
- १६ औँ योजना : २३ सय ५१ डलरको प्रतिव्यक्ति आय लक्ष्य
- ख्वप मिनिबस सेवा समितिको साधारसभा तथा निर्वाचन गैरकानुनी ठहर
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया