प्रदेश २ मा शनिबार १ सय १७ जनामा कोरोना पुष्टि
बटुकनाथ झा
जनकपुरधाम, साउन २५
प्रदेश २ मा थप १ सय १७ जनामा कोरोना संक्रमण पुष्टि भएको छ । १ सय १७ जना थपिएसँगै प्रदेशमा कोरोना संक्रमितको संख्या ५ हजार ६ सय ३१ पुगेको छ । शनिबार दुई महिला तथा दुई पुरुषसहित जनकपुरमा थप ४ जनामा संक्रमण पुष्टि भएको छ । यसका साथै धनुषाकै सहिदनगर नगरपालिका क्वारेन्टाइनका ५, मुखियापट्टी मुसहरनिया गाउँपालिका र विदेह नगरपालिकाका १–१, कमला नगरपालिकाका ३ र ठाउँ नखुलेको २ जनामा संक्रमण पुष्टि भएको प्रदेश स्वास्थ्य निर्देशनालयले जनाएको छ ।
यसैगरी महोत्तरीको बर्दिवास नगरपालिकाका ११, औरही नगरपालिका, लोहारपट्टी नगरपालिका र ठाउँ नखुलेको १–१ जनामा संक्रमण पुष्टि भएको छ । सर्लाहीको मलंगवा नगरपालिकास्थित पञ्चकुमारी ब्यारेकका १६, खानेपानी तथा सरसफाइ डिभिजन कार्यालयका १५ र लालबन्दी नगरपालिकाका १ जनामा संक्रमण पुष्टि भएको छ । पर्साको वीरगञ्जसहित विन्दवासिनी गाउँपालिका, छिपरमाई गाउँपालिका, भौराटार हेल्थ पोष्ट, बहुअरी पिरारी, बहुदरमाई नगरपालिका, आर्मी ब्यारेक, बैरिया, गम्हरिया, नारायणी अस्पतालको क्वार्टर गरी ४७ जनामा संक्रमण पुष्टि भएको निर्देशनालयले जनाएको छ ।
यसैगरी बाराको विश्रामपुर, कलैया उपमहानगरपालिका, मनहरवा र भलुही भरवलियाका १–१ र बहुअरी हेल्थ पोष्टका ३ जनामा संक्रमण पुष्टि भएको छ । कोरोना संक्रमणका कारण प्रदेश २ मा अहिलेसम्म २६ जनाको मृत्यु भएको निर्देशनालयले जनाएको छ । निर्देशनालयका अनुसार सबैभन्दा बढी पर्सामा १७, धनुषा, महोत्तरी र सिरहामा १–१ सप्तरी, रौतहत र बारामा २–२ जनाको कोरोना संक्रमणका कारण मृत्यु भएको छ । यसैगरी शनिबार २८ जना कोरोना संक्रमित निको भएर घर फर्किएका छन् ।
क्याटेगोरी : समाचार
ताजा अपडेट
- फाइनल प्रवेशका लागि रियल र बार्यन भिड्दै
- बुढ्यौलीमा चोटसँग जुधेर खेलिरहेका धोनी
- प्रमुख प्रतिपक्षीले उठाएका विषयवस्तुप्रति सरकारले बेवास्ता गरिरहेको छ – प्रमुख सचेतक लेखक
- सहकारीमा दोस्रो तहको नियामक अतिआवश्यक :पूर्वअर्थमन्त्री खतिवडा
- मेची भन्सारद्वारा ११ अर्ब ३२ करोडभन्दा बढी राजश्व संकलन
- यी हुन आज शेयर बजारबाट सबैभन्दा धेरै कमाउने दश कम्पनी
- औद्योगिक विकासतर्फ अग्रसर हुन घरेलु उद्यमशीलतालाई बढावा दिन जरुरी छ: राष्ट्रपति पौडेल
- सिन्धुली चियाबारी–खुर्कोट सुरुङ मार्ग निर्माण थालनी गर्न प्रधानमन्त्रीसँग माग
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया