‘गरिब परिवार परिचयपत्र’ वितरणकार्यको शुभारम्भ
महोत्तरी । भूमि व्यवस्था, सहकारी तथा गरिबी निवारण मन्त्री शशी श्रेष्ठले महोत्तरीको बर्दिबास नगरपालिका वडा नं. १२ बाट ‘गरिब परिवार परिचयपत्र’ वितरणकार्यको शुभारम्भ गरेकी छिन् । बर्दिबासमा बुधबार एक कार्यक्रमको आयोजना गरी गरिब परिवार परिचयपत्र वितरणकार्यको सुभारम्भ गरिएको हो । मन्त्री श्रेष्ठले पहिचानकार्य सम्पन्न भएका दुई लाख २३ हजार तीन सय ३० घरपरिवारलाई परिचयपत्र वितरण गर्ने कार्यको बुधबारबाट सुरुवात गरेको बताइन् । २३ जिल्लाका दुई सय १४ स्थानीय तहहरूबाट ११ लाख आठ हजार आठ सय ३६ घरपरिवारको तथ्यङ्क संकलन भई दुई लाख २३ हजार तीन सय ३० गरिब घरपरिवार पहिचान गर्ने कार्य सम्पन्न भई परिचयपत्र वितरणको कार्य शुभारम्भ गरिएको हो ।
मन्त्री श्रेष्ठले गरिबी निवारणका लागि आवश्यक सम्पूर्ण कामहरू सरकारले योजना बनाएर गर्न सुरु गरिसकेको बताइन् । अहिलेको सरकारले तल्ला तहका नागरिकलाई रोजगारी सिर्जना गर्ने, सम्मानपूर्वक जीवनयापन गर्ने र नागरिकको जीवनस्तर कसरी उकास्ने भन्नेतर्फ ध्यान केन्द्रित गरेर काम गरिरहेको उनको दाबी थियो । यस्तै उनले पहिचान गरिएका गरिब परिवारलाई विपन्न घरपरिवारलक्षित सेवा सुविधाहरूमा आबद्ध गर्ने विषय यसवर्षको नीति तथा कार्यक्रममा पनि राखेको जानकारी दिँदै स्वेदशमा नै रोजगारी सिर्जना गरेर आफ्नै खुट्टामा उभिने र कोही पनि नागरिकले विदेश जान नपर्ने गरी काम गर्न योजनाबद्ध रूपमा सरकार अगाडि बढेको बताइन् ।
यस्तै बुधबार नै मन्त्री श्रेष्ठले बाराको सिम्रौनगढमा स्थापना गरिएको मालपोत कार्यालयको उद्घाटन गरेकी थिइन् । उक्त कार्यक्रममा मन्त्री श्रेष्ठले मन्त्रालयले जग्गा प्रशासनमा सुशासन स्थापनाका लागि प्रविधिको प्रयोगलाई प्राथमिकतामा राखेर अगाडि बढाएको बताइन् । उनले नापी र मालपोत कार्यालय सिधै जनतासँग जोडिने कार्यालय भएकाले थप चारवटा थप नापी र मालपोत कर्यालय स्थापना गर्ने निर्णय भई दुईवटा स्थापना गरिसकेको र दुईवटा निकट भविष्यमा नै गर्ने समेत जानकारी दिइन् । यस्तै उनले आफू मन्त्रालयमा आइसकेपछि गाउँब्लकमा पुनः नापी र विशेष नापीबाट ५० हजारभन्दा बढी भूमिहीनलाई लालपुर्जा वितरण गरिसकेको उल्लेख गरिन् । भूमिसँग जोडिएका सबै खालका समस्या आगामी दुई वर्षभित्र समाधान गर्न सरकार प्रतिबद्ध भएर लागेको उनको भनाइ थियो । मन्त्री श्रेष्ठले यही आर्थिक वर्षभित्र तीन सय पालिकाका पाँच लाख भूमिहीनलाई लालपुर्जा वितरण गरिसक्ने जानकारी दिइन् ।
क्याटेगोरी : समाचार
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया