कृषि विकास बैंकको न्युरोड शाखा घोटाला प्रकरण :
विशेष अदालतद्वारा रेग्मी र थापालाई जरिवाना तथा कैद अन्यलाई सफाइ
काठमाडौं । कृषि विकास बैंकको तत्कालीन न्युरोड शाखा घोटाला प्रकरणमा संलग्न भएको अभियोग लागेका व्यक्तिहरुलाई विशेष अदालतले जरिवाना तथा कैदको फैसला गरेको छ । विशेष अदालतले उक्त शाखाको टेलर दिपिका रेग्मीलाई आठ वर्ष कैद एवं तीन करोड ९२ लाख ४४ हजार सात सय ४७ रुपैयाँ जरिवानाको फैसला गरेको छ ।
सोही प्रकरणमा संलग्न रमेश थापालाई पनि चार वर्ष कैद ३१ लाख ६८ हजार रुपैयाँ जरिवानाको फैसला गरेको छ । तत्कालीन समयमा कृषि विकास बैंकको न्युुरोड शाखामा कार्यरत शाखा प्रमुख गोपाल गिरी, कर्जा विभागका प्रमुख महेश्वर मरहठ्ठा, बैंकमा कार्यरत सहायक टेलर दीपिका रेग्मी, रमेश विष्ट र शाखा प्रबन्धक प्रेमहरि ढुंगेलमाथि चार करोड रुपैयाँभन्दा बढी रकम हिनामिना भएको आरोप लागेको थियो ।
सोही अभियोगकोअन्तर्गतको अनुसन्धानको क्रममा केन्द्रीय अनुसन्धान ब्युरो (सीआईबी) ले रेग्मी र थापालाई पक्राउ गरेको थियो । झण्डै पाँच करोड रुपैयाँभन्दा बढी रकम अनियमितता गरेको अभियोगमा ती व्यक्तिहरुलाई पक्राउ गरिएको थियो ।
सीआईबीका अनुसार अनुसन्धानको क्रममा ती व्यक्तिहरु बैंकको रकमलाई पेष्डिङमा देखाई घोटाला गरेको देखिएको थियो । सोही अभियोगमा पक्राउ परेका रेग्मी र थापाविरुद्धको मुद्दाको विशेष अदालतले यही भदौ ७ गते फैसला गरे पनि उनीहरुले गरेको कसुरको निर्धारण भने सोमबार मात्र गरेको हो ।
क्याटेगोरी : समाचार
ताजा अपडेट
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया